Monite 7 'Akosi, 2017

Teutalonome 32:44-47; Levitiko 18:5; Palov.3:2,22; 4:22; ‘Isikeli 40:4; Loma 10:5

Teutalonome 32:44-47

"44Pea ha‘u ‘a Mōsese, ‘o ne ‘a‘au ‘a e ngaahi lea ‘o e ta‘anga ni ‘i he telinga ‘o e kakai, ‘e ia mo Hosea ko e foha ‘o Nuni. 45Pea ‘i he ‘osi ‘e Mōsese ‘ene lea‘aki ‘a e ngaahi lea ni ki ha‘a ‘Isileli kotoa. 46Na‘a ne pehē kiate kinautolu, Mou ‘ai homou loto ki he ngaahi me‘a ‘oku ou fakapapau atu he ‘aho ni, ‘a ia te mou tu‘utu‘uni ki ho‘omou fānau, ke tauhi mo fai ‘a e ngaahi lea kotoa ‘o e lao ni. 47He tala‘ehai ko e me‘a ma‘ama‘a ia kiate kimoutolu; he ko ho‘omou mo‘ui‘anga, ‘io, ko e me‘a ni ‘e fakalahi ai homou ngaahi ‘aho ‘i he kelekele ‘oku ke ‘amanaki a‘a ‘i Soatani ke ma‘u."

Levitiko 18:5

"5‘Io, te mou tauhi ‘eku ngaahi tu‘utu‘uni mo ‘eku ngaahi konisitūtone, ‘a ia ka fai ‘e ha tangata, te ne mo‘ui ai: ko Sihova au."

Palovepi 3:2,22

"2He ‘e fakalahi ai ki he me‘a ‘oku ke ma‘u

‘Aki ‘a e nofo fuoloa, mo e ngaahi ta‘u mo‘ui, mo e tu‘umālie.

22Ko e mo‘ui leva ia ki ho laumālie,

Mo e teunga ki ho kia."

Palovepi 4:22

"22He ko e mo‘ui‘anga ia ‘o kinautolu kuo nau ma‘u ia,

‘Io, ko e me‘a faito‘o te ne fālute hoto sino kotoa."

‘Isikeli 40:4

"4Pea lea mai kiate au ‘a e tangata, Hako‘i-tangata, ke ke sio ‘aki ho mata, pea fanongo ‘aki ho telinga, pea ‘ai ho loto ki he me‘a kotoa te u fakahā atu; he ko hono fakahā kiate koe ‘a ia na‘e ‘omi ai koe ki heni: fakahā ki he fale ‘o ‘Isileli ‘a e me‘a kotoa te ke sio ki ai."

Loma 10:5

"5He ‘oku tohi ‘e Mōsese, Ko e me‘a ki he mā‘oni‘oni ‘oku mei he Lao, ko e tangata kuo fai ia te ne mo‘ui ai."

KO HONO FAKAHOKO ENI ʻO E HIVÁ NI KI HE FĀNAU ʻA ʻISILELI ke nau tōtōivi hono ʻai ia ki honau ʻatamaí pea mo hono kotoa ʻo e ngaahi lea lelei naʻe fai ʻe Mosese kia kinautolu. Naʻe fakaʻaiʻai ʻe Mosese „a e kakaí ke nau tokanga, mo fakakaukau ki he folofola ʻa e ʻOtuá mo nau hanga ʻo akoʻi ʻene folofolá ki heʻenau fānaú. ʻOku lava pe ʻo hili pe ʻa e Tohitapú ia ʻi he hiliʻanga tohí, ko e tanakiʻanga efu pe. ʻOku ʻai ia ko e konga mahuʻinga ia hoʻo moʻuí, ko e ʻi ai hao taimi makehe maʻu pe ke ke ako ʻa e Tohitapú. ʻI hoʻo ʻilo ʻa e poto fekau ʻa e ʻOtuá, ʻokú ke loto leva ke fakahoko ia ki hoʻo moʻuí, pea mo paasi atu ʻa e ʻilo ko iá ki ho fāmilí, pea mo e kakai kehé. Ko e tohitapú ʻoku ʻikai ko e tohi ke lau tohi noa pe ka ko e tokoni moʻoni pea mo e moʻui moʻoni. Pea ke tōtōivi ke fakahū ʻa e ngaahi moʻoni ko ení kia kinautolu ʻe muimui maí. Ko kinautolu ko ē ʻoku lelei pē kinautolu ia, heʻikai ke nau taʻeloto ke hangē pe ʻenau fānaú ko kinautolu pea ko e kakai ʻo e kahaú te nau tauhi ki ʻolunga ʻa e lotú ʻi honau ʻahó. Pea ko e fakakikihi ke fakaʻaiʻai kinautolu ʻa ʻenau ʻai ʻa e lotú ko ʻenau ngāue pea ke nau hanga ʻo fakatolonga he ko e ngaahi meʻa mahuʻinga lahi naʻa ne ʻai kia kinautolu. “He talaʻehai ko ha meʻa maʻamaʻa ia kiate kinautolu ka ko hoʻomou moʻuí ia”. Pea ʻoku ʻikai ko ha meʻa taʻemahuʻinga, ka ko e fiemaʻu taupotu ia ʻoku ʻikai ko ha meʻa fakavaivaiʻanga, ka ko e meʻa ʻoku ʻi ai hono ola, ko ha meʻa ʻo e moʻuí mo e maté, fakakaukau ki ai, pea ke ʻai ia ke taʻengata, ko hono ʻliʻaki ia. Ko hono taʻefai ia ʻo e taʻengata. Ko e kau tangata kuo fakaʻaiʻai kakato ki he folofola, ko e lotu ʻi heʻenau moʻuí, neongo ko e moʻui ʻo honau ngaahi laumalie. Pea founga ʻi heni ʻe fakalahi ai ho ngaahi ʻahó ʻi Kenani, ko ha fakatupu eni ʻo e moʻui taʻengata hono palomesi kuo fakapapauʻi ʻe Kalaisi kia kitautolu, te nau hū ki ai ʻi hono tauhi ʻa e ngaahi fekau ʻa e ʻOtuá pea fai ke lahi ange (Mt 19:17).