Falaite 4 'Akosi, 2017

Teutalonome 32:26-29; 4:22; 5:29; Saame 94:8; Selemaia 5:31

Teutalonome 32:26-29

"26Na‘a ku pehē, Te u ifi‘i kinautolu,

Te u fakangata mei he kakai honau manatu:

27Ka ne ‘oua ‘eku manavahē ki he manuki ‘a e fili,

Na‘a ma‘u hala ‘e honau kau fakamamahi;

Na‘a nau pehē, Ko hotau nima ne mālohi,

Pea ‘oku ‘ikai ko Sihova kuo fai ‘a e fu‘u me‘a ni.

28He ko e pule‘anga ia ta‘eha taha ke fale‘i,

‘Oku ‘ikai ‘iate kinautolu ha ‘atamai.

29Taumaiā ke nau poto, ke nau ‘ilo ki he me‘a ko ē,

Ke nau fakakaukau ki honau mole!"

Teutalonome 4:22

"22Ka ko au te u mate ‘i he fonua ni: tokua ‘e ‘ikai te u laka atu au ‘i Soatani na: ka ko kimoutolu te mou laka atu ‘o ma‘u ‘a e fonua lelei ko ena."

Teutalonome 5:29

" 29Pehēange mai kuo pehē honau loto ma‘u pē, ke nau ‘apasia kiate au, mo tauhi ‘eku ngaahi fekau, koe‘uhi ke nau tu‘umālie mo ‘enau fānau foki, ‘o ta‘engata!"

Saame 94:8

"8Tokanga ‘a kimoutolu ‘i he kakai ‘oku anga fakamanu:

‘Io, ‘a e kau vale, te mou poto fakakū?"

Selemaia 5:31

"31‘Oku palofisai loi ‘a e kau palōfita, pea ‘oku fai ‘e he kau taula‘eiki ‘enau pule ‘i he angi ‘a ē; pea ‘oku manako hoku kakai ke pehē: ka ko e hā ‘amoutolu ‘e fai ka hoko hono ngata‘anga?"

KO E ʻAITOLI MO E ANGATUʻU, NAʻE TUHA AI ʻA ʻISILELI MO E FAKAMAAU ʻA E ʻOTUÁ NAʻE FIEMAʻU KE FAI. Ka naʻe finangalo ʻa e ʻOtuá ke veteki kinautolu ki he ngaahi ngataʻanga ʻo māmani pe ko hono taʻaki fuʻu! Ka naʻe ʻafioʻi pe ʻe he ʻOtuá ʻa hono ngaahi filí te nau ʻomai ʻa e tupuʻanga mo e fakakaukau hala, mo e manuki ʻa e fili pea naʻa pehē ʻe he kau fakamamahi, ko honau nima pe naʻe faí ʻa e malohi ʻo ʻikai ko Sihova ia.

Hili ange ʻa e ngaahi tautea fakamanavahe naʻe tuha mo e houhau mo e sauní ʻoku tau maʻu ʻi heni ha fakahā fakaʻohovale ʻo e meesí, ko e meesi taʻetaau ʻoku fakafiefia, he ʻoku fakafepakiʻi ʻa e fakamaau. ʻOku ʻikai ke hoifua ʻa e ʻOtuá ʻi he mate ʻa e kau angahala ka ʻoku totonu ke nau liliu, ka nau moʻui. He ko e fakamaau ʻo ʻIsileli mo Siuta naʻe hoko ia ʻi he ngaahi ʻaho ʻo ʻAisea (Ais 1:3, 6:9,10). He ko kinautolu ʻoku ʻulia ia ʻi he ʻaʻake ʻo e ʻOtuá mo hono ʻIsileli ke nau fiemalie ʻakinautolu he ko e ʻOtuá te ne ngāue atu ki honau hingoa ʻonautolu.

Naʻe lea ʻa e ʻOtuá ʻia Mosese ko e fakatokanga ki he kakai ʻi he ngaahi ʻaho ki muí pea ke fakahoko fakalukufua ia, he ʻoku totonu ke mahino mo talanoa ki ai. 1. Ko e ngataʻanga ʻo e moʻui ko ení mo e moʻui ʻi he kahaʻu ʻi hotau laumalie. Ke fakakaukau ko e maté ko e hiki mei he māmani ʻo e ongoʻanga, ki he māmani ʻo e ngaahi laumalie. Ko e piliote fakaʻosi ʻo ʻetau moʻuí, ko e mamahi mo e ʻahiʻahi pea ko ʻetau hu ki ai ʻoku ʻikai ha toe liliu ha meʻa, he monomono pe totongi ha meʻa. 2. Ko e ʻaho ngataʻanga ʻo e angahala, ko e moʻui kahaʻu ʻakinautolu naʻa nau moʻui pe pea mate. Ko kinautolu te nau toki lau ʻa e fiefia ka kuo mole, ko e mamahí pe kuopau ke taʻengata. Ko kinautolu ʻe hokohoko atu ʻa e faihalá, ko e hā ʻa e meʻa te nau iku ki ai ʻi he ngataʻangá (Sele 5:31).