Tu'apulelulu 9 Ma'asi, 2017

TEUT 6:1-3; 10:12-13; EKI 3:8; SA 111:10; 128:1; PALO 3:1,2; KOHELETI 12:13

Teutalonome 6:1-3

"1PEA ko eni ‘a e ngaahi fekau mo lao mo konisitūtone kuo fekau ‘e Sihova ko homou ‘Otua ke ako kiate kimoutolu, ke mou fai ki ai ‘i he fonua ‘oku mou ‘alu ki ai ke ma‘u. 2Koe‘uhi ke ke ‘apasia kia Sihova ko ho ‘Otua ke tauhi ‘ene ngaahi fekau mo tu‘utu‘uni ‘a ia ‘oku ou kouna atu, ‘a koe, mo ho foha, mo e foha ‘o ho foha, ‘i he ‘aho kotoa pē ‘o ho‘o mo‘ui, pea koe‘uhi ke lahi ho ngaahi ‘aho. 3Ko ia ke ke fanongo mai, ‘a ‘Isileli, ‘o tokanga ke fai ki ai; ka ke tu‘umālie, mo ke tupu lahi, ‘o hangē ko e folofola kiate koe ‘e Sihova ko e ‘Otua ‘o ho‘o ngaahi kui, ‘i he fonua ‘oku mahutafea 'i he hu'akau mo e honi."

Teutalonome 10:12-13

"12Pea ko eni, ‘e ‘Isileli, ko e hā fua ‘a e me‘a ‘oku tangi ki ai ‘e Sihova ko ho ‘Otua meiate koe? ‘a ‘eni pē, ke ‘apasia ki he ‘Eiki ko ho ‘Otua, ke fou ‘i hono ngaahi hala, pea ke ‘ofa kiate ia, pea ke tauhi kia Sihova ko ho ‘Otua ‘aki ‘a e kotoa ‘o ho loto mo e kotoa ‘o ho laumālie. 13Ke tauhi ‘ene ngaahi tu‘utu‘uni mo ‘ene ngaahi fekau, ‘a ia ‘oku ou fokotu‘u atu he ‘aho ni ma‘ao lelei."

'Ekisoto 3:8

"8pea kuo u ‘alu hifo ke fakahaofi kinautolu mei he nima ‘o e kau ‘Isipite, pea ke ‘ohake kinautolu mei he fonua ko ia ki ha fonua lelei mo lahi, ha fonua ‘oku mahutafea ‘i he hu‘akau mo e honi; ‘a e feitu‘u ‘o ha‘a Kēnani, mo ha‘a Heti, mo ha‘a ‘Āmoli, mo ha‘a Pēlisi, mo ha‘a Hevi, mo ha‘a Siepusi."

Saame 111:10

"10Ko e kamata‘anga ‘o e poto ko e ‘apasia kia Sihova; Ko e fakakaukau poto ‘oku ‘iate kinautolu ‘oku fai ‘a e ngaahi fekau na: Ko e fakamālō kiate ia ko e me‘a ta‘engata."

Saame 128:1

"1MONŪ‘IA Ā ka ko ia fuli pē ‘oku ‘apasia kia Sihova, ‘O foua hono ngaahi ‘alunga."

Palovepi 3:1,2

"1TAMA, ‘oua ‘e ngalo ‘eku akonaki; Kae tauhi ‘e ho loto ‘eku ngaahi tu‘utu‘uni; 2He ‘e fakalahi ai ki he me‘a ‘oku ke ma‘u ‘Aki ‘a e nofo fuoloa, mo e ngaahi ta‘u mo‘ui, mo e tu‘umālie."

Koheleti 12:13
"13Ko e ngata‘anga ‘eni ‘o e me‘a: kuo ‘a‘au hono kotoa. Ke ke ‘apasia kia ‘Elohimi, ‘o tauhi ‘ene ngaahi fekau; he ko e kotoa ‘o e tangata ia."

Ko e fakataumuʻa ke talangofua. ʻI heni, pea tatau mo e ngaahi fekaú, ʻoku hangē ko e ʻuhinga eni, ʻa e kotoa ʻo e ngaahi fekau maʻa ʻIsilelí. Naʻe akoʻi ʻe Mosese ʻa e kakai, ʻaki ʻa e meʻa pē naʻe fekau ʻe he ʻOtuá ke akoʻi. Ko e kau faifekau ʻa Kalaisi, ke nau akoʻi hono siasí kotoa, ʻa e meʻa kuo ne fekauʻi, pe ʻe lahi, pe ʻe siʻisiʻi (Mt 28:20). Pea ʻi he ʻosi ʻenau akoʻi ʻa e kakaí, pea nau hanga leva ʻo fai, ʻa e meʻa naʻa nau akoʻi, ʻo fai pe ʻo hangē ko e meʻa naʻa nau hanga ʻo akoʻí, pea ke tauhi ʻaki ʻa e tuʻunga ʻo e ʻOtuá, mo tokanga ke fai ki ai, ko e ngaahi akonaki lelei mei he matuʻá, mo e kau faifekau, te ne hanga ʻo fakaʻitaʻi ʻenau halaiá, ʻo kapau ʻoku ʻikai ke tau moʻuiʻaki kinautolu. Naʻe tokanga tukuingata ʻa Mosese ke fakatuʻumaʻu kinautolu ki he ʻOtuá, mo e lotu moʻoní. Ko e taimi ni, te nau hū atu ki he fonua ko Kenaní. Pea ke nau teuteu ki he ngaahi fiemalie ʻo e fonuá, pea ko ʻenau fakanima fefeka, ke fakafepakiʻi ʻaki ʻa e ngaahi tauhele, ʻoku ʻi ai he fonuá. Pea ke nau seti atu pe ʻi mamani, pea nau seti ke lelei. Ko e ʻApasia ki he ʻOtuá ʻi he lotó, ko e moʻoni malohi taha ia ʻo e talangofua. Pea ko e fiemaʻu maʻolunga ia, ʻo ʻikai ko kitautolu pe, ka ko ʻetau fānau mo e fānau ‘etau fānau, ke nau ‘apasia kia Sihova . Ka ko kinautolu ʻoku faiako leleí, ʻo kapau ʻoku nau fai ʻa e meʻa ʻoku nau akoʻi, ko e fafanga lelei ki he kakai kehe, ʻo hangē ko ʻIsileí ki he fonua ʻoku fetafeʻi ai ʻa e huʻakau, mo e honi, ʻa ē ʻoku ne fakahaaʻi ʻa e fua ngafuhi, pea mo e tapuaki ʻo e fonua (11:9, 26:9). Ko e fonua ʻo e talaʻofa ki ʻIsilelí, ʻoku lelei ange ia ʻi he fonua ko ʻIsipité, ʻa ē naʻa nau toutou fiemaʻu ke nau foki ki aí (Nom 16:12-14). Naʻe fakafoki ʻe Mosese, ke tokoniʻi ʻa e kakaí ke nau mavahe, mei he fehalaaki tatau ʻaki ʻenau vakai ki he fakaʻofoʻofa ʻo e fonua ko ia, naʻa ne fakamatalaʻi mahino ʻa e tukunga ʻo ʻenau hū ki he fonuá. Ko Sīsū ʻa ʻetau mataʻikoloa ʻo ʻikai ko e ngaahi lelei fakataimi nounou pē ʻo māmani. Ko Lasalosi masiva, ka naʻa ne maʻu ʻa e moʻui taʻengata, ka ko Taivasi koloaʻia naʻe mole hono laumalié. Fili ai, ko hai te ke muimui ai ʻoka ʻaʻau ia ke fai.