Monite 13 Ma'asi, 2017

TEUT 6:16-19 ; 11:2 ; EKI 15:26 ; NOM 33:52,53 ; SA 119:4 ; MT 4:7,12 ; 1 KOL 10:9

Teutalonome 6:16-19

"16‘E ‘ikai te mou ala ‘aki kia Sihova ko homou ‘Otua, ‘o hangē ko ho‘omou ala ‘aki kiate ia ‘i Masa.17Te mou tauhi ke matauhi ‘a e ngaahi tu‘utu‘uni ‘a Sihova ko homou ‘Otua, mo ‘ene ngaahi fakamo‘oni, mo ‘ene ngaahi fekau, ‘a ia kuo ne tu‘utu‘uni atu. 18Pea te ke fai ‘a e me‘a ‘oku hā totonu mo lelei kia Sihova, koe‘uhi ka ke tu‘umālie, pea ke hū atu ‘o ma‘u ‘a e fonua lelei na‘e fuakava ai ‘a Sihova ki ho‘o ngaahi kui, 19ka ne kapusi ho ngaahi fili mei ho ‘ao: ‘o hangē ko e folofola ‘a e ‘Eiki."

Teutalonome 11:2

"2Pea ke mou ‘ilo he ‘aho ni–he tala‘ehai ko ho‘omou fānau ‘oku ou lea ki ai, ‘a ia kuo ‘ikai te nau ‘ilo, pea kuo ‘ikai te nau mamata ki he akonaki na‘e fai ‘e Sihova ko homou ‘Otua, ‘a hono mā‘olunga, ‘a hono nima mālohi mo nima kuo hiki tā"

'Ekisoto 15:26

"26‘O ne folofola, ‘o pehē, Kapau te ke mātu‘aki muitala ki he lea ‘a Sihova ko ho ‘Otua, mo ke fai ‘a e me‘a ‘oku hā totonu ki hono ‘ao, pea ke fakaongo ki he‘ene ngaahi fekau, ‘o tauhi ‘ene ngaahi tu‘utu‘uni kotoa pē, ‘e ‘ikai ai te u ‘ai kiate koe ha taha ‘o e ngaahi mahaki ‘a ia na‘a ku ‘ai ki he kau ‘Isipite: he ko au ko Sihova-Faito‘o-koe."

Nomipa 33:52, 53

"52pea te mou kapusi ‘a e kakai kotoa ‘o e fonua mei homou ‘ao, pea te mou faka‘auha ‘enau ngaahi maka tongitongi kotoa, pea faka‘auha ‘enau ngaahi ‘īmisi kuo haka, mo holoki ‘enau ngaahi sia. 53Pea te mou puke ‘a e fonua ‘o nofo ai, he kuo u foaki kiate kimoutolu ‘a e fonua te mou ma‘u."

Saame 119:4

"4Ko koe ne ke tu‘utu‘uni, Ke mau tauhi ho‘o ‘ū enginaki ke matauhi."

Matiu 4:7, 12

"7Pea lea ‘a Sīsū kiate ia, kuo tohi foki, ‘E ‘ikai te ke ha‘aki ‘ahi‘ahi‘i ‘a e ‘Eiki ko ho ‘Otua. 12Pea ‘i he‘ene fanongo kuo tuku ‘a Sione ki he pilīsone, na‘a ne ‘alu ange ki Kāleli."

1 Kolinito 10:9

"9Pea ‘oua te tau ha‘aki ‘ahi‘ahi‘i ‘a e ‘Eiki, ‘o hangē ko e ‘ahi‘ahi‘i ‘e he ni‘ihi ‘o e kakai na, pea nau mole ‘i he ngāue ‘a e fanga ngata."

ʻOku siviʻi, pe vakaiʻi ʻe he ʻOtuá ʻene fānaú, ka heʻikai ke nau ʻahiʻahiʻi ʻa e ʻOtuá ʻaki ʻenau angatuʻu, mo fai angahala (Lk 4:12) he naʻa nau fai pehē ʻi Masa ʻi Lefitimi. Pea naʻe fakahoko ange ʻe Mosese ha lēsoni mei he kuohilí, ʻo ne akonekina ʻa e toʻutangata foʻoú, ke nau fai tōnunga ki he ʻOtuá. Pea ʻoange ʻe Mosese ʻa e tuʻutuʻuni ki ʻIsileli, ke nau tauhi ʻa e ngaahi fekau ʻa e ʻOtuá. ʻOku fiemaʻu ʻenau tokanga, mo e tōnunga lahi, ke tauhi ʻaki ʻa e lotú ʻi hono mafai ʻoʻoná, ʻoku ʻi hotau ngaahi lotó mo ʻetau ngaahi moʻuí. Ko e fainonoaʻiá, te ne fakaʻauha kitautolu, pea heʻikai ke tau hao ʻo taʻe ʻi ai ha faitōtōivi, pea mo e faivelenga, pea ʻoku fakahaaʻi ʻe Mosese ʻe tali lelei ʻe he ʻOtuá ʻa e tōnungá, ʻo kapau ʻe ʻi ai haʻatau tokaʻi ʻa e ʻOtua fakatupú. Ko ʻetau fiefia, pea mo e lao hotau fakatupu, ko hotau puleʻi, ʻoku fai mei ai, pea te tau lotu. Pea ʻe fuʻu faingmalie kia kinautolu, pea ʻe pau foki kia kinautolu ʻa e koloa ʻo e fonua ko Kenaní, ko e tuʻumalié ʻoku ʻi ai, pea mo e ikuna tuʻumaʻu. Ko hono fakanounou. Fai lelei, pea ʻe lelei ai pe mo koe.

Pea fakamanatu mai ʻe he ʻapositoló, “Pehē foki, mou haʻu kimoutolu ko e kolo mate ki he angahala, ka ko e kolo moʻui ki he ʻOtuá ʻi hoʻomou tui ʻia Kalaisi Sīsū (Lom 6:11). “Lau kimoutolu ko e mate ki he angahala, ʻa ia ʻoku ʻuhinga, ke tau lau ko hotau motuaʻitangata natula angahala, kuo mate, ʻoku ʻikai haʻane toe tali ki he angahala. Koeʻuhi ko ʻetau taha mo e ʻilo pau mo Kalaisi, pea ʻoku ʻikai ke tau toe moʻua ki hono fata holo hotau tuʻunga motuʻá, mo e ngaahi holi, pea mo e ngaahi taumuʻa, kae lau kitautolu ki he meʻa ʻa e ʻOtuá ʻoku ne maʻú, ko hono moʻoní, ke ne ngaohi ki ai kitautolu. He ʻoku tau maʻu ha kamata foʻou, pea ko e Laumalie Maʻoniʻoni, te ne tokoniʻi kitautolu ke tau hoko ʻi heʻetau aʻusia fakaʻahó, ki he meʻa kuo fakahaaʻi ʻe Kalaisi ke tau ʻi aí. Ko e fakakoloa ia hotau fonua fakalangí, ko ʻetau mate mo Kalaisi, ka tau moʻui maʻae ʻOtuá, ke tau fakahoifua ki hono huafa tapuhaá, he ko e ikuna ia kuo fai ʻe Kalasi maʻa kitautolú.