Teutalonome 6:10-15
"10Pea neongo na‘a ne toutou lea kia Siosifa ‘i he ‘aho kotoa pē, ka na‘e ‘ikai te ne fai ki hono loto, ke na tākoto, pe ke na fe‘ao. 11Pea faifai pea hoko ha ‘aho ‘a ia na‘a ne hū ai ki fale ke fai ‘ene ngāue, pea na‘e ‘ikai ‘i ai ha toko taha ‘o e kakai ‘o e fale. 12Pea puke ia ‘e he fefine ‘i hono kofu, ‘o ne pehē, Ta mohe ā: pea ne tuku ‘a e kofu ‘i hono nima, ‘o ne hola ‘o hū kitua‘ā. 13Pea ‘i he vakai ‘e he fefine kuo ne tuku hono kofu ‘i hono nima, pea kuo ne hola kitu‘a, 14na‘a ne ui ange ‘a e kakai ‘o e fale, ‘o ne lea kiate kinautolu, ‘o pehē; Vakai, kuo ne ‘omi kiate kitautolu ha tangata Hepelū ke pā‘usi‘i kitautolu; na‘a ne ha‘u kiate au ke ma mohe, pea u kaila le‘o lahi: 15pea ‘i he‘ene fanongo ki he ‘ai ‘eku fu‘u kalanga, na‘a ne tuku hono kofu ‘i hoku tafa‘aki, ‘o ne hola ‘o hū kitu‘a."
Teutalonome 4:24
"24He ko e ‘Eiki ko homou ‘Otua ko e afi faka‘auha: ko e ‘Otua fua‘a ia."
Teutalonome 8:10
"10Pea te ke kai mākona ai, pea te ke fakafeta‘ia ‘a Sihova ko ho ‘Otua ‘i he fonua lelei kuo ne ‘omi kiate koe"
Siosiua 24:13
"13Pea na‘a ku foaki atu ha fonua na‘e ‘ikai te ke ongosia ai, mo e ngaahi kolo na‘e ‘ikai te mou langa, pea ‘oku mou nofo ai; ko e ngaahi ngoue vaine mo e ngaahi ngoue ‘ōlive na‘e ‘ikai te ke tō, ‘a ia ‘oku mou kai mei ai."
Matiu 4:7,10
"7Pea lea ‘a Sīsū kiate ia, kuo tohi foki, ‘E ‘ikai te ke ha‘aki ‘ahi‘ahi‘i ‘a e ‘Eiki ko ho ‘Otua. 10Pea toki pehē ‘e Sīsū, Sētane, fei mo ‘alu! he kuo tohi, Ko e ‘Eiki ko ho ‘Otua te ke lotu ki ai, pea ko ia pē toko taha te ke ‘otua ‘aki."
Tokanga naʻa ngalo ʻa Sihova. Naʻe fakatokanga ʻa Mosese ki he kakaí, ʻi he taimi te nau hū ai ki he fonua ʻo e talaʻofá, pea nau hoko ʻo tuʻumalie, mo koloaʻia, ʻo hulu atu ʻi heʻenau masivá, he ʻoku lava pē ke hanga ʻe he koloá, mo e faingamalie fakamāmaní, ʻo fakanenefuaʻi ʻa ʻetau vision, mo ʻetau tokanga fakalaumalie, koeʻuhi ʻoku nau fakahehemaʻi kitautolu, ke tau falala ʻiate kitautolu, mo fie fai ʻa e ngaahi meʻa ʻo māmaní, lolotonga ʻoku lahi ʻa e meʻa ʻoku nau maʻu, mo sio ki ai, pea tuku leva ʻa e ʻOtuá ia. Ko e meʻa tatau, ʻe lava ʻo hoko ia ʻi hotau siasí. Ko e taimi ʻe niʻihi kuo ola lelei ʻa e ngāue, kuo tokolahi ʻa e kau memipa ʻo e siasí, lele lelei mo e ngaahi polokalama, maau ʻa e ngaahi fale, pea faingofua ke tau falala pe ʻiate kitautolu, pea siʻisiʻi leva ʻiate kitautolu, ke tau ongoʻi ʻoku tau fiemaʻu ʻa e ʻOtuá, pea ʻi he tuʻunga ko iá ʻoku ne tohoakiʻi leva kitautolu, ke tau fakamamaʻu pe ke maluʻi pe kitautolu ʻi ha toe fakamālō ki he ʻOtuá, mo fai ʻa e ngāue Maʻana mo hono ngeiá. He naʻe hiki ʻe Mosese ʻenau ʻamanakí ki he lelei honau ʻOtuá, ʻi Heʻene ʻoange kia kinautolu ʻa e fonua lelei, kuo Ne palomesi ki aí. Pea telia naʻa nau tofanga ʻi he mohu ʻo e fonuá, pea ngalo ʻa ia naʻa ne foakí. Ko ha ʻaho pe ʻo e tu’umalié ʻoku tau ʻi he fakatuʻutamaki lahi, ʻo e ngalo ʻo e ʻOtuá, ko hotau makatuʻungá ia, ko ʻetau fiemaʻú ia, pea ʻoku tau moʻua kiate ia. Ko e taimi pe ʻoku malimali ai ʻa māmani, ʻoku tau ʻamanaki ki he fiefia ki ai, ka e ngalo ia ʻiate kitautolu, ko hotau tofiʻa pe ia, mo ʻetau mālōloó. Ko e ʻahiʻahi eni ke tau tokanga ki ai . Naʻe loto ʻa ʻAuka, ke fakafepaki ʻa e ʻahiʻahi ko ení, “Naʻa ʻiloange teu fuʻu makona, ʻo fakaʻotua mateʻi ʻa e ʻAfiona. ʻOu pehē, “Ko hai ʻa Sihova?” “Pea naʻa ʻiloange te u masiva, ʻo kaihaʻa peau talakaaʻi ʻa e huafa ʻo hoku ʻOtuá” (Palo 30:9) Ko e ʻahiʻahi tatau naʻe fai ʻe he tevoló, kia ʻIvi mo ʻAtama, pea tō ai ʻa māmani ki he angahalá. Pea toe fai ʻe he tevoló ʻa e ʻahiʻahi tatau kia Sīsū, ʻo valokiʻi ai ʻe Sīsū ʻa e tevoló “Kuo tohi foki, ʻE ʻikai te ke haʻaki ʻahiʻahi ʻa e ‘Eiki ko ho ‘Otua(Mt.4:7) manatu’i kuo toe pekia mo Kalaisi, ka tau moʻui ki he ʻOtua mo ʻene maʻoniʻoní”.
No comments:
Post a Comment