Teutalonome 7:1-5
"1KA fakahū koe ‘e Sihova ko ho ‘Otua ki he fonua ‘oku ke ‘alu ki ai ke ma‘u, pea kuo ne hu‘ihu‘i ha ngaahi kakai mei ho ‘ao, ‘a e Heti, mo e Keakesa, mo e ‘Āmoli, mo e Kēnani, mo e Pēlisi, mo Hevi, mo e Siepusi, ko e kakai ‘e fitu ‘oku lahi mo kaukaua ‘iate koe; 2‘io, ka tuku atu kinautolu ‘i he ‘ao ‘e Sihova ko ho ‘Otua, ‘o ke taa‘i kinautolu; pea te ke taa‘i kinautolu ke ‘osi; ‘e ‘ikai te ke fai talite mo kinautolu, pe fai ha ‘ofa ki ai: 3pea ‘e ‘ikai te ke femali‘aki mo kinautolu; ‘e ‘ikai te ke ‘atu ho ‘ōfefine ki ho‘ona foha, pea ‘e ‘ikai te ke to‘o hano ‘ōfefine ma‘a ho foha. 4He te ne fakaafe ho foha mei he muimui kiate au ke nau tauhi ‘otua kehe: pea ‘e langa‘i ai ‘a e houhau ‘a Sihova kiate kimoutolu, ‘o ke ‘auha vave ai. 5Ka ko e anga eni ho‘o fai kiate kinautolu; te mou holoki honau ngaahi ‘ōlita, mo laiki honau ngaahi pou tapu, mo tā ‘enau ngaahi ‘āsela, mo tutu ‘enau ngaahi tamapua."
Teutalonome 31:3
"3Ko Sihova ko ho ‘Otua ko ia ia ‘oku hā‘ele mu‘omu‘a ‘iate koe; te ne faka‘auha ‘e ia ‘a e ngaahi kakai ni mei ho ‘ao, pea te ke ma‘u kinautolu; ko Siosiua pē te ne taki koe, ‘o hangē ko e folofola ‘a Sihova."
'Ekisoto 23:24,32
" 24‘E ‘ikai te ke lotu ki honau ngaahi ‘otua, pea ‘e ‘ikai te ke tauhi ki ai, pea ‘e ‘ikai te ke fai ki he‘enau ngaahi ngāue: ka te ke mātu‘aki faka‘auha kinautolu, pea te ke laiki ‘aupito ‘enau ngaahi pou tapu. 32‘E ‘ikai te ke fai ha taliti mo kinautolu, pe ko honau ngaahi ‘otua."
'Ekisoto 34:15-16
"15na‘a ‘iloange te ke fai taliti mo e kakai ‘o e fonua, pea nau tango ange ki honau ngaahi ‘otua, ke fai feilaulau ki ai, pea tala kātoanga kiate koe, pea ke hanga ‘o kai mei he‘ene feilaulau; 16pea ke ‘omi honau ngaahi ‘ōfefine ke nonofo mo ho‘ou ngaahi foha, pea tango ange ‘e honau ngaahi ‘ōfefine ki honau ngaahi ‘otua, ‘o nau taki ho ngaahi foha ke tango ki honau ngaahi ‘otua."
Tapui ʻa ʻenau fekauʻaki mo e kakai ʻo Kenaní. Ko e fakatokanga mamafa maʻa ʻIsilelei ʻo ka nau ka hū ki Kenani. ʻE ʻikai ke nau fakakaumeʻa, mo feohi mo e ngaahi ʻaitolí, pea mo e kau lotu ʻaitolí. Ko kinautolu, ʻoku nau feohi mo e ʻOtua moʻuí, kuo pau ia, heʻikai haʻanau fetuʻutaki pea mo e ngāue taʻefua ʻo e fakapoʻulí, pea kuopau ke nau fakahaaʻi kia kinautolu, ʻoku ʻikai ha meesi. He naʻe tala ʻe he ʻOtuá ki ʻIsileli, ke nau fakaʻauha kakato honau ngaahi filí. ʻOku lava fēfē ʻe ha ʻOtua ʻo e ʻofá, mo e faimeesí, ke Ne fakaʻauha ʻa e tokotaha kotoa pē ʻo aʻu ki he fānaú? He neongo ko e ʻOtuá ʻoku ʻofa, mo meesi, ka ko e ʻOtua ʻo e faitotonu. Ko e kakai ko ení, ko e ngaahi fili ia ʻo e ʻOtuá, pea ko e konga kinautolu ʻo e fakatupu ʻa e ʻOtuá, ʻo hangē pe ko ʻIsileli, ka koeʻuhi ko e ʻOtuá, ʻoku ʻikai te Ne fakaʻatā ʻa e koví, ke hokohoko atu, ʻo taʻefai hanau vakaiʻi. Ko e ʻOtuá te ne tauteaʻi ʻa ʻIsileli, ʻi heʻenau tauhi kituʻa ʻi he fonua ʻo e talaʻofá ki he kau talangataʻa. Ko e fekau ko eni, ke fakaʻauha ʻa e kakai ni, fakatouʻosi ki he fakamaauʻanga mo honau vakaiʻi pe ʻoku nau hao. Pea ʻi he tafaʻaki ʻe tahá, ko e kakai ʻoku nofo ʻi he fonuá ʻe fakamaauʻi ʻenau angahala, pea ko ʻIsileli ko e meʻangāue ia ʻa e ʻOtuá ki hono fai ʻo e fakamaaú, pea ki he ʻOtuá naʻa ne ngāueʻaki ʻa e kakai kehe, ke fakamaauʻi ʻa ʻIsileli, ʻi heʻenau angahala (2 Kalo 36:17, Ais 10:12). Pea ʻi he tafaʻaki ʻe tahá, ko e fekau ʻa e ʻOtuá, naʻa Ne palaniʻi ia, ke maluʻi ʻaki ʻa e kakai ʻo ʻIsilelí mei he ʻauha ʻi he lotu ʻaitolí, mo e ʻulungaanga kovi, ʻo hangē ko hono filí. He ʻoku lelei ʻa Sihova ʻoku tuʻumaʻu ʻene fuakavá, pea taʻengata ʻene ʻaloʻofá ki he toʻutangata mo e toʻutangataá.
Naʻe tala foki ki ʻIsileli, ke nau fakaʻauha, mo holoki ʻa e ngaahi tuʻunga ʻaitoli kotoa pē ʻi Kenani telia naʻa faʻifaʻitaki ʻe ʻIsileli ʻenau lotú, mo nau aafe ʻo nau fai ʻa ʻenau lotu ʻaitolí. Ko e ʻaselá ko e ʻotua fefine ia ʻo e tahí, naʻa nau ʻai pe ʻe he kau Kenaní, ʻa e fuʻu pou ʻakau, ʻo ui pe ko e pou, ʻo na fakataha ai pe mo Peali, ko e lahitaha ia ʻo e lotu ki ai ʻa e kau Kenaní, ʻo nau fakafuo ki he fakatātā ʻo e pulu, pea ko e ʻotua ia ʻo e ngoué. Kaekehe, te nau fakaʻauha ʻa e tuʻunga ʻaitoli kotoa pē, pea heʻikai ke nau feohi, pe fie mali mo e kau Kenaní. Ka ʻi he siasi fakakalisitiané, he ʻaho ni kuo ui ia, ke nau hanga ʻo fakatātaaʻi ʻa e ʻofa ʻa e ʻOtuá ki māmani ʻo hangē ha fangasipi, ʻi he lolotonga ʻo e fanga ulofi (Mt 10:6). Koeʻuhi, ko e foʻi moʻui kuo foaki ʻe he ʻOtuá, ʻEne moʻuí maʻae taha kotoa pe ʻoku ʻia Kalaisi. Fai ia.
No comments:
Post a Comment