Tusite 3 Sanuali, 2017

NOM 31:13-18 ; 25:1-9 ; TEUT 7:2 ; 20:16-18 ; FKM 21:11 ; 2 PITA 2:15

Nomipa 31:13-18

"13Pea ko Mōsese mo ‘Eliesa ko e taula‘eiki, mo e hou‘eiki kotoa pē ‘o e fakataha, na‘a nau ‘alu atu ki tu‘a ‘apitanga ke fakafetaulaki kiate kinautolu. 14Pea ‘ita ‘a Mōsese ki he hou‘eiki ‘o e hōsitē, ‘a e ngaahi kapiteni ‘o e ngaahi toko afe, mo e ngaahi kapiteni ‘o e ngaahi toko teau, na‘e foki mei he fai ‘o e tau. 15Pea me‘a ‘a Mōsese kiate kinautolu, Kuo mou tuku koā ‘a e kau fefine kotoa pē ke mo‘ui? 16Vakai, ko kinautolu ia na‘e o‘i ai ‘a ha‘a ‘Isileli ke fai hala kia Sihova ‘i he me‘a ‘a Peoli–ko e fale‘i kinautolu ‘e Pēlami–pea tō ai ‘a e mahaki faka‘auha ki he fakataha ‘a Sihova. 17Pea ko eni, te mou tāmate‘i ‘a e tamaiki tangata kotoa pē, pea ‘ilonga ha fefine kuo ne ‘ilo ha tangata te mou tāmate‘i ia. 18Ka ko e tamaiki fefine kuo ‘ikai ‘ilo ha tangata, tuku ke mo‘ui ma‘amoutolu."

Nomipa 25:1-9

"1PEA nofo ‘a ‘Isileli ‘i Sītimi, pea kamata tango ‘e he kakai ki he fānau fefine ‘o Moape: 2he ko e fa‘ahinga ko ia na‘a nau fakaafe ‘a e kakai ki he fai feilaulau ‘o honau fa‘ahikehe; pea tokoni ai ‘a e kakai, mo hū ki honau fa‘ahikehe. 3Pea luva kinautolu ‘e ‘Isileli kia Peali-peoli, pea langa‘i ai ‘a e houhau ‘o Sihova ki ‘Isileli, 4pea folofola ‘a e ‘Eiki kia Mōsese, ‘o pehē, Omi ‘a e hou‘eiki kātoa ‘o e kakai, pea kalusefai ‘a e fa‘ahinga ko ē ma‘a Sihova ‘i he ‘ao ‘o e la‘ā, kae lolou mei ‘Isileli ‘a e fu‘u tuputāmaki ‘o Sihova. 5Pea me‘a ‘a Mōsese ki he kau fakamaau ‘o ‘Isileli, Mou takitaha tāmate‘i hono kakai kuo luva kinautolu kia Peali-peoli. 6Pea tā ko e tangata ‘e taha ‘o ha‘a ‘Isileli na‘a ne ha‘u ‘o ‘omi ki hono kāinga ha fine Mitiani ‘i he kano‘i fofonga ‘o Mōsese mo e fakataha kotoa ‘o ha‘a ‘Isileli; ‘osi, ‘oku nau lau‘aitu ‘i he mata Tēniti Fe‘iloaki‘anga. 7Pea ‘i he mamata ki ai ‘a Finiasi, foha ‘o ‘Eliesa, ko e foha ‘o ‘Ēlone ko e taula‘eiki, na‘a ne tu‘u mai mei he lotolotonga ‘o e fakataha, ‘o ne to‘o ha tao; 8‘o ne tuli ‘i mui ki he tangata ‘Isileli ki he loki, ‘o ne hoka‘i kinaua ‘osi pē, ‘a e tangata ‘Isileli; pea ko e fefine na‘e ‘asi ‘i hono kona. Pea ta‘ofi ai ‘a e ‘au ‘a ha‘a ‘Isileli, 9pea ko e pekia ‘i he ‘au ko ia ko e toko ua mano mā fā afe.

Teutalonome 7:2

"2‘io, ka tuku atu kinautolu ‘i he ‘ao ‘e Sihova ko ho ‘Otua, ‘o ke taa‘i kinautolu; pea te ke taa‘i kinautolu ke ‘osi; ‘e ‘ikai te ke fai talite mo kinautolu, pe fai ha ‘ofa ki ai"

Teutalonome 20:16-18

"16Ka ko e ngaahi kolo ‘o e ngaahi kakai ko ē ‘a ia ‘oku foaki kiate koe ‘e Sihova ko ho ‘Otua mo‘ao tofi‘a, ‘e ‘ikai te ke fakamo‘ui ai ha momo‘i me‘a ‘oku mānava: 17ka te ke mātu‘aki mōifua kinautolu; ‘a e Heti mo e ‘Āmoli, ‘a e Kēnani mo e Pēlisi, ‘a e Hevi mo e Siepusi; ‘o hangē ko e tu‘utu‘uni koe ‘e Sihova ko ho ‘Otua: 18koe‘uhiā ke ‘oua te nau ako kimoutolu ke fai ‘o hangē ko e ngaahi fakalielia ‘oku nau fai ki honau ngaahi ‘otua, ka mou angahala ai kia Sihova ko homou ‘Otua."

Fakamaau 21:11

"11Pea ko eni ‘a e me‘a te mou fai, ‘ilonga ha tangata, pea ‘ilonga ha fefine kuo ne ‘ilo ha tangata, te mou faka‘auha."

2 Pita 2:15

"15kuo nau afe mei he hala totonu, ‘o ‘alu hē pē, pea kuo nau mātu‘aki muimui atu ‘i he hala na‘e fou ai ‘a Pēlami ko e foha ‘o Pōsoli, ‘a ia na‘a ne manako ki he totongi ‘o e kākā"

Koeʻuhí ko Mitiani naʻa nau fetongiʻaki, ʻa hono fakataueleʻi ʻa ʻIsileli, ke lotu kia Pealí. Naʻe fekau ʻe he ʻOtuá ki ʻIsileli, ke fakaʻauha kinautolu (25:16- 18), ka naʻa nau ʻave popula pe ʻa e kakai fefine, ka naʻe totonu ke tamateʻi kinautolu, koeʻuhi he te nau fakataueleʻi kinautolu, ki he toʻonga moʻui fai angahala ʻa Mitianí. Ko e taimi ko ē, ʻoku tau ʻilo ai ha angahala, ʻi heʻetau moʻuí, kuo pau ke tau tokanga kakato ki ai. ʻI he taimi ko ē naʻe hū ai kimui ʻa ʻIsileli ki he fonua ʻo e talaʻofá, ko honau tuʻutāmakiʻanga ia, ko e angahalá. Naʻe ʻita ʻa Mosese ki he kau taki taú, koeʻuhi ko ʻenau tuku moʻui ʻa e kakai fefiné, he ko e kakai fefiné, naʻa nau oʻi ʻa ʻIsileli ke fai hala kia Sihova ʻia Peali-Peoli, koeʻuhi ko Pelami naʻa ne faleʻi kinautolu. Kaekehe, ko e heletā ʻo e taú, ʻoku totonu ai ke fakahaofi ʻa e kakai fefiné, mo ʻenau fānaú, he taʻe ʻi ai ha angafai ke fakafepaki, ka ko e heletā ʻo e faitotonú, ʻoku totonu ke ʻilo ki ai, ʻoku ʻikai ha faikehekehe ka ko e halaia pe, pe ko e tonuhia. Ko e tau ko ení ko e tamateʻi fakalao ʻa e tautea totonu, ke hilifaki ki he kakai kuo halaiá. Ko e kakai fefine ko ení, ko e tefito ia ʻo e mamatea ʻa e fonua ni. Kapau ʻe fai ha tokanga ki he hia fakatauele ko eni kuo fakahaofi. Te nau fakamoʻoni ʻamui ke nau hoko ko e ʻahiʻahi. Pea fekau ʻe Mosese ke tamateʻi ʻa e kakai fefine, pea tamateʻi mo e tamaiki tangata, ko e fekau fakaleveleva ia ʻa e ʻOtuá. Ko e fānau fefine pe ʻoku kei maʻa ʻe fakahaofi pe kinautolu, ka ʻe ʻohake kinautolu ʻi he lotolotonga ʻo ʻIsilelí, pea heʻikai te nau fai ha ʻahiʻahi fakaʻaitoli. Pea ko e fakatokanga eni ki he ngaahi mātuʻá, ke ʻoua ʻe kau ʻenau fānaú ʻi hoʻonau tolu ia tautea. 

ʻI he tauhi ʻofa ʻa e ʻOtuá ʻi he taimi ʻoku hoko ai ha honge, pe mahaki fakaʻuha, pe ko e mofuike ʻoku ʻaʻahi ki he ngaahi fonuá ʻi he angahala,ʻoku faingataʻaʻia ai ʻenau fānau ʻi he fakatuʻutamaki fakalukufua ko ení, pea ʻi hení ko e mātuá kuo teuteu ʻi heʻenau fānaú pea ko e fānau ʻoku nau mate pē kimuʻa teʻeki ha angahala. Ko e tokonaki kakato kuo fai ki heʻenau fiefia taʻengata, ʻaki ʻa e meesi ʻa e ʻOtuá ʻia Sīsū Kalaisi, ngaahi matuʻa ʻoange leva ʻa Kalaisi maʻa ʻetau fānaú ke nau fiefia ai.