Tokonaki 6 Sanuali, 2018

Fakamaau 3:8-11; 2:14; 6:6,7; 1Samiuela 12:10; Nehumi 9:27; Saame 22:5; 106:44; 107:13 

Fakamaau 3:8-11

"8Ko ia na‘e langa‘i ai ‘a e houhau ‘o Sihova kia ‘Isileli, ‘o ne fakatau kinautolu ki he nima ‘o Kūsani-Lisataimi ko e Tu‘i Mesopotēmia: pea na‘e nofo ‘a ha‘a ‘Isileli kia Kūsani-Lisataimi ‘o valu ta‘u. 9Pea tautapa ki he ‘Eiki ‘a ha‘a ‘Isileli, pea fokotu‘u ‘e he ‘Eiki ha taukapo ma‘a ha‘a ‘Isileli ‘a ia na‘a ne fakahaofi kinautolu, ko ‘Ōtenili ko e foha ‘o Kēnasi, ko e tehina ‘o Kēlepi. 10He na‘e hā‘ele kiate ia ‘a e Laumālie ‘o Sihova, pea na‘a ne fakamaau ‘a ‘Isileli; pea na‘a ne ‘alu atu ‘o tau, pea na‘e tuku ‘e he ‘Eiki ki hono nima ‘a Kūsani-Lisataimi ko e Tu‘i Mesopotēmia: ko ia na‘e mālohi hono nima kia Kūsani-Lisataimi. 11Pea na‘e nonga ‘a e fonua ‘o fāngofulu ta‘u. Pea pekia ‘a ‘Ōtenili ko e foha ‘o Kēnasi."

Fakamaau 3:9 “Pea taulapa ki he ʻEiki ʻa haʻa ʻIsilelí pea tokofuʻu ʻe he ʻEikí ha taukapo maʻa haʻa ʻIsileli, ʻa ia naʻá ne fakahaofi kimautolu, ko ʻOtenili ko e foha ʻo Kenasi koe tehina ʻo Kelepi”. Ko e ola eni ʻae ʻikai ke kapusi ʻe he ʻOtuá ʻa e kau Kenaní mei he ʻao ʻo ʻIsilelí ko e hanga ʻe ʻIsileli ia ʻo fakangalongaloʻi ʻa e ʻEiki ko honau ʻOtuá, ka nau tauhi kinautolu kia Peali mo e lotu ʻaitoli. Ko e ʻuluaki hilifaki hono nima kia kinautolu ko Kusani-Lisataimi ʻi he taʻu ʻe 8. Ko e ongo matakali eni ʻe ua mo e vaeua matakali naʻa nau nofo ʻi he kauvai ki hahake ʻo Soataní. Pea ko e ʻohofi ko eni ʻe he tuʻi Siliá ʻoku hā mei ai ʻa e fakamoʻoni lahi, ko e ola ia ʻo e taʻe fakahoifua ki he ʻOtuá ʻa ʻenau liʻaki iá. Ko ia naʻa nau tafoki ʻo tangi tautapa ki he ʻOtuá ʻi he faingataʻa ko ení. Ko e niʻihi naʻa nau tangi kia Peali mo ʻAsitaloti ʻi heʻenau ngaahi meʻa kimuʻa. Ka ʻi he faingataʻa ko ení naʻa ui kotoa ki he ʻOtuá. Naʻe tafoki ʻa e ʻOtuá ʻo fai meesi maʻa kinautolu ko honau fakahaofi naʻe ʻikai te ne fakaʻikaiʻi ʻenau ngaahi lotú, ka naʻá ne fokotuʻu ha tokotaha fakahaofi ko ʻOtenili, naʻe ngāue ʻa e ʻOtuá maʻana ke ne fai ʻa e ngāue fakahaofi ʻo ʻikai ʻi he tangata, pe ʻe he tangata, ka ko e LAUMALIE ʻo e ʻEikí naʻe haʻu kiate ia (v.10).Ko e Laumalie ʻo e poto moe lototoʻa ke fakapotoʻi ia maʻae ngāue pea ko e laumalie ʻo e ivi, ke fakaivia ia, mo ʻoange ʻa e fiemalie kakato, pea mo e Laumalie ʻo e palofisai ke fai fakamanatu kiate ia. Ko ia ʻa e ʻuluaki fai fakamaau ʻi ʻIsilelí naʻa nau fakamoʻoni ki ai, naʻá ne ui kinautolu ki ha fakamatala maʻa ʻenau ngaahi angahala mo liliu kinautolu pea ke nau hū ki tuʻa ki he taú, pea ke fai ʻi he founga totonu. ʻAi ʻa e angahala ʻi ʻapí ke ikunaʻi pea ko e ngaahi filí ʻoku faingofua pe mo kinautolu hono ikunaʻí. Ko Kalaisi hotau Fakamaau, pea te ne fakamoʻui kitautolu pea ko hotau fai fono ia (Ais 33:22). Kuo ne fai ʻa e lavameʻa leleí. Pea kuo ne maumauʻi ʻa e ʻoke ʻo e fakafepaki. Ko e ola fakafiefia ʻa e ngaahi ngāue lelei ʻa ʻOtenili, pea naʻe mālōlō ai he taʻu ʻe 40 ʻo kapau te nau tauhi ofi ki he ʻOtuá maʻa pe ʻia Kalaisi Sīsū.