Monite 10 Okatopa, 2016

Nom 17:1-7 ; 16:5, 11 ; ʻEki 25:16,22 ; 29:42,43 ; 30:36 ; 28:21

Nomipa 17:1-7

"(1) PEA folofola ‘a Sihova kia Mōsese, ‘o pehē, (2) Lea ki ha‘a ‘Isileli, ‘o to‘o tokotoko meiate kinautolu, ko ha tokotoko ki ha ‘ulumotu‘a mei he hou‘eiki ‘o e ngaahi ‘ulumotu‘a, ha tokotoko ‘e hongofulu mā ua: pea ke tohi ‘e koe ‘a e hingoa ‘o e tangata takitaha ‘i hono tokotoko. (3) Pea te ke tohi ‘a e hingoa ‘o ‘Ēlone ki he tokotoko ‘o Līvai: he ‘e taha pē ‘a e tokotoko ki he ‘eiki ‘o e ‘ulumotu‘a. (4) Pea te ke fakatoka kinautolu ki he Tēniti Fe‘iloaki‘anga ‘i he ‘ao ‘o e Fakamo‘oni‘anga, ‘a e potu ‘oku ou fakafe‘iloaki ai kiate kimoutolu. (5) Pea ko eni ‘a e me‘a ‘e hoko, ko e tangata ‘oku ou fili ki ai ‘e muka hono tokotoko: ka u fakangata meiate au ‘a e lāunga ‘a ha‘a ‘Isileli, ‘enau lāunga kiate kimoua. (6) Pea lea ‘a Mōsese ki ha‘a ‘Isileli, pea na‘e ‘omi tokotoko kiate ia ‘e honau hou‘eiki, ‘o takitaha ‘a e ‘eiki hono tokotoko, ‘o fakatatau ki he lau ‘o e ngaahi ‘ulumotu‘a, ko e tokotoko ‘e hongofulu mā ua: pea ko e tokotoko ‘o ‘Ēlone na‘e fakataha mo e ngaahi tokotoko ko ē. (7) Pea fakatoka ‘e Mōsese ‘a e ngaahi tokotoko ‘i he ‘ao ‘o Sihova ‘i he Tēniti Fakamo‘oni‘anga."

Nomipa 16:5, 11

"(5) pea ne lea kia Kola mo ‘ene kau kātoa, ‘o pehē, ‘E fakae‘a ‘e Sihova ‘apongipongi pe ko hai ‘oku ‘o‘ona, mo ia ‘oku tāpuhā pea ngofua ke ofi kiate ia: pea ko ia ‘oku ne fili ki ai ‘e ngofua ke ofi kiate ia. (11)Ko ia, ko ho‘omou fakatefua mai, ‘a koe mo ho‘o fu‘u kau na, ko e fai kia Sihova; he ko ‘Ēlone, ko e hā ia ke mou lāunga kiate ia?"

ʻEkisoto 25:16,22

"(16) Pea te ke tuku ki he ‘a‘ake ‘a e fakamo‘oni ‘a ia te u ‘atu. (22) Ko e potu ia te u fetaulaki ai mo koe, pea te u alea ai mo koe ‘i he funga hōifua‘anga, mei he vaha‘a ‘o e ongo selupimi ‘a ia ‘oku ‘i he funga ‘o e ‘a‘ake fakamo‘oni‘anga; ‘io, te ta alea ai ki he ngaahi me‘a kehekehe ‘a ia te u tu‘utu‘uni kiate koe ma‘a ha‘a ‘Isileli."

'Ekisoto 29:42,43

"(42) Ko e feilaulau-mōifua tu‘u ma‘u ia ‘i homou ngaahi to‘utangata, ‘o fai ‘i he matapā ‘o e Tēniti Fe‘iloaki‘anga ‘i he ‘ao ‘o Sihova: ko e potu ia te u fe‘iloaki ai mo kimoutolu, ke alea mo koe ‘i ai. (43) ‘Io, ko e potu ko ia te u fe‘iloaki ai mo ha‘a ‘Isileli; pea te u fakatāpui ia ‘aki hoku lāngilangi."

'Ekisoto 30:36

"(36) Pea te ke tuki ha me‘a mei ai ke momoiki, pea te ke tuku ha me‘a ‘i he ‘ao ‘o e Fakamo‘oni‘anga ‘i he Tēniti Fe‘iloaki‘anga, ‘a e potu teu fe‘iloaki ai mo koe: ‘e toputapu ia kiate koe."

'Ekisoto 28:21

"(21) Pea ko e ngaahi maka ko ē ‘e fakatatau ki he ngaahi hingoa ‘o e fānau ‘a ‘Isileli, ko e hongofulu mā ua, ‘o fakatatau ki he hingoa ‘onautolu; te nau tu‘u ma‘a e matakali ‘e hongofulu mā ua, ‘o takitaha hono hingoa kuo tongitongi hangē ha sila."

Ko e tokotoko ʻe tahaua he ʻao ʻo Sihová. Ko e tuʻutuʻuni ʻe Sihova kia Mosese ke tala ki ʻIsileli ke ʻomai ʻa e tokotaha ʻe taha ki he matakali ʻe hongofulu ma ua ʻo ʻIsilelí. Ko e ʻulungaanga maheni pe ia ʻo e taimi muʻá ko kinautolu maʻu mafaí ʻoku nau toʻotoʻo ʻa e tokotokó pe koe vaʻakau ʻo hangē ha fakaʻilonga ʻo e langilangí pea naʻe kamata ʻi heni ʻa e tokotoko makehe ki he houʻeiki ʻulumotuʻa ʻo ʻIsilelí. Pea ki he ʻOtua naʻá ne fakataumuʻa ke ngāue manaʻaki. Ke ʻilo kuo ne foaki ʻa e langilangi ʻo e ngaue fakataulaʻeikí. Ko e fakatātā ia ʻo e kelesi ʻa e ʻOtuá, ke ne ngāue ʻo ʻomi mana, ke tautea ʻa e angahalá, pea ke toe ngāue foki ke maluʻi ia. Kou tokonaki eni ʻe he ʻOtuá koeʻuhi koe kau anga faingataʻá ke ʻoua ʻe tamateʻi, pea koe ngutu kotoa pē ke fakaongo, ʻoua ʻe lea ʻi hono ʻaó. 

Koe tokotoko ʻe tahauá kuopau ke ʻomai ia kia Mosese. Pea koe hingoa ʻo e ʻeiki ʻulumotuʻa taki taha ʻe tohi ia ʻi hono tokotokó ke maluʻi ʻa e fakakikihí, naʻe ʻomai ʻa e ngaahi tokotokotó ke fakatoka ʻi he Tapanekalé ʻi he foʻi pō ʻe taha ʻi he ʻao o e hoifuaʻangá, ʻa ē ʻoku ʻi he ʻaʻaké koe fakaʻilonga, pe koe fakamoʻoni. Ko e lotolotonga ʻo e ʻOtuá ʻoku ʻi he ngaahi tokotokó. Pea ke nau ʻamanaki ki he moʻui naʻá ne tala kimuʻá koe tokotoko ʻo e ngaahi matalai pe houʻeiki ʻulumotuʻa, ko hai kuo fili ʻe he ʻOtua ki he tuʻunga taulaʻeiki ʻoku totonu ke motu mo maaka hono tokotokó. Ko e hā ʻa e muka naʻe ʻikai koe hokonoa pe, ka koe fakatatau ki he faleʻi pea moe finangalo ʻo e ʻOtuá. Naʻe ʻomai ʻe he kau ʻulumotuʻá honau ngaahi tokotoko pea fakatoka kinautolu ʻe Mosese ʻi he ʻaho ʻo Sihová. Naʻe ʻikai ke taumuʻa ʻa Mosese koe meʻa ni kuo feʻunga mo maau ke hoko, ka naʻá ne fai pe ʻene fatongia ko hono fakatoka ʻo e ngaahi tokotoko ʻi he ʻao ʻo e ʻOtuá, ko hono toé naʻe tuku pe ia ki he ʻOtuá he taumaiā ʻoku ne taʻemalava ha meʻa. Falala ki he ʻOtuá he meʻa kotoa ʻia Kalaisi.