Nomipa 16: 28 - 30
"(28) Pea lea ‘a Mōsese, Ko e me‘a ko ‘eni te mou ‘ilo ai kuo fekau au ‘e Sihova ke fai ‘a e ngaahi ngāue ni kotoa pē, he tala‘ehai na‘a ku fai ko hoku loto pē. (29) He kapau ‘e mate ‘a e tu‘unga me‘a ni ‘o hangē ko e pekia ‘a e kakai kotoa, pea kapau ‘e hoko kiate kinautolu ‘o hangē ko e ‘inasi ‘o māmani kātoa, pea tā kuo ‘ikai fekau au ‘e Sihova. (30) Ka ‘o kapau ‘e fai ‘e Sihova ha me‘a fo‘ou, pea fakamanga ‘e he kelekele hono ngutu, ‘o folo ‘a kinautolu mo e me‘a kātoa ‘oku kau ki ai, ‘o nau ‘alu hifo mo‘ui ki lolofonua; pea te mou ‘ilo ai kuo fai pau‘u ‘e he kau tangata ni kia Sihova."
ʻEkisoto 20:15
"(15) ‘Oua na‘a ke kaiha‘a"
Siope 31:3
"3‘Ikai ‘oku a‘u ‘a e tu‘utāmaki ki he pau‘u? Mo ha tā kehe ki he kakai ‘oku nofo ki he kovi?"
Saame 55:15
"(15) ‘Ofa ke mo‘utāmakia kinautolu ‘e he mate, Ke nau ‘alu hifo ki lolofonua ‘oku nau mo‘ui pē: He ko e kovi ‘oku ‘i honau nofo‘anga, ‘o lotolotoi pē."
Senesi 5:30
"(30) Pea mo‘ui atu ‘a Lēmeki hili ‘ene ma‘u ‘a Noa ko e ta‘u ‘e nimangeau mo e ta‘u ‘e hivangofulu mā nima, pea ne ma‘u mo ha ngaahi foha mo ha ngaahi ‘ōfefine:"
Ui fakaʻilonga ʻa Mosese mei he ʻOtuá, ke fakapapauʻi ʻaki ki he kau angatuʻú. Ko e ʻOtuá naʻá ne fekau ia ki he ngaahi ngāue kotoa kuo ne faí, he nae ʻikai ke na loto, ki hono ʻekea ko eni ʻa hona fatongia mei he ʻOtuá. Naʻá ne fiemaʻu ʻa e mahinó, pea ke ʻilo ʻe he kakaí ni, ʻa e moʻoni ʻoku nau vivili ki aí. Pea naʻe fai ʻa e foʻi fakamatala ʻa e meʻa te nau ʻilo aí, ko e fekauʻi ia ʻe Sihova ke ne fai ʻa e ngaue ʻoku ne faí, ʻikai ko hono lotó. Ko e meʻa leva te nau ʻilo ai ko e fili ia ʻa e ʻOtuá. Kapau ʻe mate ʻa e kau angatuʻú, ʻi he mateʻanga tatau pe ʻoku mate ai ʻa māmaní, pea tā naʻe ʻikai fekauʻi ia ʻe he ʻOtuá, ke fai ʻene ngāué. Pea kapau ʻe fai ʻe Sihova ia ha meʻa foʻou, ʻo fakamanga hake ʻa e kelekelé ʻo folofua ʻa e kau angatuʻú mo ʻenau ngaahi meʻa kotoa ʻo nau ʻalu hifo moʻui pe ki lalofonua, pea te mou toki ʻiloʻi ai kuo fai pauʻu ʻa e kau tangatá ni kia Sihova, pea mo ʻene fili kuo fai ʻia Mosesé. Ko e palopalema eni ia ʻoku hohoko ʻene hoko ʻi he tapa kotoa pē ʻo e moʻuí ni, koeʻuhi koe tuʻunga angahala ʻo haʻa tangatá, ko hono loto leva ʻoku ne puleʻi ʻene meʻa kotoa, he ko e senitā ia ʻo e moʻui fakaetangatá. Pea talamai leva ʻe Sisū “Ka koe ngaahi meʻa ʻoku hū mei he ngutu ʻoku mei he loto pea koʻena pe meʻa ʻoku ʻuli ai ʻa e tangatá he ʻoku mei he lotó ʻa e ngaahi fakakaukau pango, ʻa e ngaahi fakapo, ʻa e ngaahi faikovi, ʻa e ngaahi feʻauaki, ʻa e ngaahi kaihaʻa, ʻa e ngaahi tukuaki, ʻa e ngaahi lau kovi ki he ʻOtuá (Mt 15:18, 19). Ko e faʻahinga loto ē kuo ne hanga ʻo maumauʻi ʻa e faʻahinga ʻo e tangatá, ʻa ē naʻe maʻu ʻe he kau angatuʻú, kuo ʻosi fonu ʻa e lotó ia, he kovi kehekehe pea ko e kovi ia ʻoku hū mai mei he ngutú, pea ʻoku ʻuli ai ʻa e tangatá. Ko e mateʻanga foʻou naʻe tala ʻe Mosesé, ko ia pē naʻe hoko kia kinautolú. Pea talamai leva ʻe he ʻapositolo ko Paulá, “ʻIo, ke ʻiate kimoutolu ʻa e loto pehē ʻa ia naʻe ʻia Kalaisi Sisū foki” (Fili 2:5). Ko e loto ʻena ʻe faaitaha ai ʻa e kau moʻui foʻoú, ʻa e loto ʻo Kalaisí mo ʻene maʻoniʻoni ia maʻau, maʻu ia ko hono koloa
No comments:
Post a Comment