Falaite 12 Me, 2017

Teutalonome 17:14-20; 1 Samiuela 8:5,19,20; 1 Tuʻi 4:26; 10:26,28; Selemaia 30:21; ʻIsikeli 17:15

Teutalonome 17:14-20

"14Ka kuo ke ha‘u ki he fonua ‘oku foaki kiate koe ‘e Sihova ko ho ‘Otua, ‘o ke ma‘u ia, mo nofo ai; pea ke pehē, Ka u fokotu‘u haku tu‘i, ‘o hangē ko e ngaahi kakai ‘oku nofo takatakai; 15kaekehe ko e Toko Taha te ke fokotu‘u ‘a ia ‘e fili ki ai ‘e Sihova ko ho ‘Otua: ko e taha mei ho kāinga te ke fokotu‘u ke tu‘i kiate koe: ‘e ‘ikai ngofua ha‘o tuku ke pule kiate koe ha fa‘ahinga kehe, ‘a ia ‘oku ‘ikai ko ho kāinga. 16Ka ko ‘eni pē, ‘e ‘ikai te ne fakalahi ‘ene fanga hoosi, pea ‘e ‘ikai te ne fakafoki ‘a e kakai ki ‘Isipite koe‘uhi ke tokolahi ‘ene fanga hoosi: he kuo folofola ‘a e ‘Eiki kiate kimoutolu, ‘E ‘ikai te mou toe foki ‘i he hala ko ē. 17Pea ‘e ‘ikai te ne ma‘u ‘unoho tokolahi, ke ‘oua na‘a afe hono loto: pea ‘e ‘ikai te ne ha‘aki fakalahi ‘ene siliva mo koula. 18Pea ka faifai pea ne nofo ‘i he taloni ‘o hono pule‘anga, te ne hiki ‘a e tatau ‘o e lao ni mei he tohi ‘oku ‘i he ‘ao ‘o e kau Līvai taula‘eiki: 19pea te ne fe‘ao mo ia, pea te ne lau ai ‘i he ngaahi ‘aho kotoa ‘o ‘ene mo‘ui: koe‘uhi ke ne ako ke ‘apasia kia Sihova ko hono ‘Otua, ke tauhi ‘a e ngaahi lea kotoa ‘o e lao ni mo konisitūtone ke fai ki ai: 20ke ‘oua na‘a hiki hono loto, ‘o ne ta‘etoka‘i hono kāinga, pea ke ‘oua te ne afe mei he tu‘utu‘uni ki to‘omata‘u pe to‘ohema; koe‘uhiā ke ne fakalahi hono ngaahi ‘aho ‘i hono pule‘anga, ‘e ia mo ‘ene fānau, ‘i he lotolotonga ‘o ‘Isileli,"

1 Samiuela 8:5,19,20

"5pea nau pehē kiate ia, Ko eni ‘oku ke motu‘a, pea ko ho‘o fānau ‘oku ‘ikai te nau fou ‘i ho ngaahi founga: ko ia ke ke fokotu‘u hatau tu‘i ke fakamaau kitautolu, ‘o hangē ko e ngaahi kakai kotoa pē. 19Ka ka ‘ikai fie fanongo ‘e he kakai ki he lea ‘a Sāmiuela; pea nau pehē, ‘Ikai; ka kuo pau ke ‘ai hatau tu‘i; koe‘uhi foki ke tau tatau mo e pule‘anga kotoa pē; 20pea ke fai fakamaau ma‘atautolu ‘e hotau tu‘i, pea ke ne taki kitautolu, ‘o angi ‘i he‘etau ngaahi tau."

1 Tuʻi 4:26

"26Pea na‘e ma‘u ‘e Solomone ha loki tu‘unga hoosi mo sāliote ‘e fā mano, mo e kau heka hoosi ‘e taha mano mā ua afe."

1 Tu'i 10:26,28

"26Pea tānaki ‘e Solomone ha tau sāliote mo ha tau hoosi: pea na‘e ‘iate ia ha sāliote ‘e taha afe mā fāngeau, mo e tau hoosi ‘e toko taha mano mā ua afe, ‘o ne tufaki kinautolu ki he ngaahi kolo sāliote, pea ke fe‘ao mo e tu‘i foki ‘i Selusalema. 28Pea ko e fanga hoosi na‘e ‘ia Solomone na‘e ‘omi mei ‘Isipite, pea na‘e tali kinautolu ‘e he kau fakatau ‘a e tu‘i, ‘o fakatākanga, ‘o totongi fakataha ki he tākanga."

Selemaia 30:21

"21Pea ko hono ‘eiki ko e taha ‘iate kinautolu, pea ko hono pule ko e tupu mei honau lotolotonga; pea te u fakaofiofi ia, pea te ne ‘unu kiate au: ka ko hai tū ia ‘e falala pehē ki hono loto ke fie ‘unu‘unu kiate au?–ko Sihova ia mei he Ta‘ehāmai."

ʻIsikeli 17:15

"15Ka ka angatu‘u ia ki ai, ‘ene tuku atu ha kau talafekau ki ‘Isipite, ke nau ‘omi hoosi kiate ia mo e kakai tokolahi, Te ne tu‘umālie koā? ‘e hao ‘a e toko taha kuo ne fai ‘a e me‘a ko ia? kuo ne maumau ‘a e fuakava, pea ‘oku totonu ke ne hao?"

KO E FILI ʻO HA TUʻI, MO HONO NGAAHI FATONGIA. Naʻe ʻikai fakalotoʻi ʻe he ʻOtuá ʻa ʻIsileli ke fakanofo ha tuʻi, ke pule ki honau puleʻangá. He naʻa Ne fakafepakiʻi ʻ a e fakakaukau koeʻuhi ko ia honau tuʻi, pea ko e kakai te nau talangofua, mo muimui kiate Ia. Ka naʻe ʻafioʻi pe ʻe he ʻOtuá ia, ko e kakai ia, ʻe ʻi ai ʻa e ʻaho ia, te nau fiemaʻu tuʻi ʻi he ʻuhinga siokita, te nau fiemaʻu ke nau hangē pe ko e kakai ʻoku nau takaiʻi kinautolu (1 Sam 8). Pea kapau te nau vivili ai pe ki honau tuʻi, naʻa Ne fiemaʻu ke nau fakapapauʻi, ʻoku nau fili ʻa e tokotaha totonu. Pea ko e ʻuhinga ia ʻoku ʻi ai pe hono ngaahi tuʻutuʻuni, ʻo fakatouʻosi pe ki he lelei ʻa e kakaí ʻo hangē ko ʻenau fili honau tuʻí, pea ki he tuʻi ʻe ia pe ke ne tataki ʻa e kakaí, ʻo fakatatau ki he lao ʻa e ʻOtuá. Ko e haʻa tuʻi ʻo ʻIsilelí, naʻe ʻikai ke nau tokanga ki he fakatokanga ko ení, ko honau ʻulungaangá naʻe taki ki heʻenau toó. Ko Solomone, naʻa ne maʻu ʻa e meʻa kotoa pe, ʻo ne ʻalu mo ia, pea ʻi he taimi naʻa ne koloaʻia aí, naʻa ne langa ʻene fuʻu kau tau, pea ne mali mo e kau fefine tokolahi, pea ko hono lotó, naʻe tafoki mei he ʻOtuá (1 Tuʻi 11). Naʻe haʻu mei he angahala ʻe Solomone, naʻe talangataʻa ʻa e kakaí ki he ʻOtuá, nau mavahevahe mo popula. Ko e tuʻí, ke ne hoko ko e tangata ia ʻo e Folofola ʻa e ʻOtuá. Ke ne ʻai ia 1. Ke ne ʻai ia ko e tatau ʻo e laó. 2. ʻO ne tauhi ki ai he taimi kotoa. 3. Lau mei ai he ʻaho kotoa. 4. Talangofua kakato ki ai. ʻO fou ʻi he fakalakalaka ko ení, ke ne ako ʻo fakaʻapaʻapa ki he ʻOtuá, pea ke ne tauhi Ia mei he ongoʻi ʻoku ne mahuʻinga ʻi he kakai kehe, pea mavahe mei he fakaʻikai ʻa e ʻOtuá he taimi ʻo e tuʻumalié. Heʻikai ke tau lava ʻo ʻilo, ko e hā ʻa e meʻa ʻoku fiemaʻu ʻe he ʻOtuá, tukukehe ʻene folofolá. Ko ʻene folofolá, heʻikai ke ne aʻusia ʻetau moʻuí, kaeʻoua kuo tau lau ia, mo toutou fakakaukau ki ai.