Nomipa 26:44-47
"(44) Ko e hako ‘o ‘Āseli faka-e-honau-ngaahi-fāmili: meia Simina, ‘a e fāmili ‘o ha‘a Simina: meia Sisui, ‘a e fāmili ‘o ha‘a Sisui: meia Pēli‘a, ‘a e fāmili ‘o ha‘a Pēli‘a. (45) Ko e hako ‘o Pēli‘a; meia Hepa, ‘a e fāmili ‘o ha‘a Hepa: meia Malakieli ‘a e fāmili ‘o ha‘a Malakieli. (46) Pea ko e hingoa ‘o e ‘ōfefine ‘o ‘Āseli ko Sela. (47) Ko e ngaahi fāmili ia ‘o ha‘a ‘Āseli na‘e lau, ko e toko nima mano mā tolu afe mā fāngeau."
Nomipa 1:47
"(47) Ka ko e kau Līvai na‘e ‘ikai tohi fakataha kinautolu ‘i he lau ‘o e ngaahi matakali fakatupu‘anga."
Senesi 46:17
"(17) Pea ko e ngaahi foha ‘o ‘Āseli; ko Sīmina, mo Sisua, mo Sisui, mo Pēli‘a, pea mo Sela ko honau tuofefine: pea ko e ongo foha ‘o Pēli‘a; ko Hepa mo Malakieli."
Ko e hako eni ‘o ‘Aselí. Naʻe ʻi ai hono ʻofefine ʻe taha ko Sela. Ko hono hako tangatá leva ko Simina mo hono fāmilí ko Sisui mo hono fāmili, ko Pelia mo hono fāmili, ko hono fohá ko Hepá mo hono fāmili, pea ko e foha ʻe taha ʻo Pelia, ko Malakieli pea mo hono fāmili ia ʻoʻona, ko honau laú naʻa nau toko 53,400, pea ko honau lau kimuʻá naʻa nau toko 41,500. Naʻe tupu ‘aki ʻe he hako ʻo ʻAselí ʻa e toko 11,900. ʻOku fuʻu mahuʻinga ʻa ʻetau tokangaʻi ʻa e tupu tokolahi ʻa e ngaahi matakali ʻo ʻIsilelí neongo ʻoku ʻi ai pē ʻ e meʻa ko e holo. Ka tau kiʻi vakai ange ki he tupu naʻe kole ʻe he kau akó kia Sisú, “Pea lea ʻa e kau ʻapositolí ki he ʻEikí ke ke fakalahi ʻemau tuí” (Lk 17:5, 6). Ko e kole ʻa e kau akó naʻe moʻoni. He naʻa nau fiemaʻu ʻekinautolu ʻa e tui ke loloto ʻa e 49
fakamolemolé. Naʻe ʻikai ke tali hangatonu ʻenau ʻisopé koeʻuhi ko e lahi koē ʻo e tuí, ʻoku ʻikai ke mahuʻinga ʻo hangē ko e moʻoní. Ko e hā ʻa e tui? Ko e tuí ko e fakafalala kakato ʻi he ʻOtuá, mo e lotoʻaki ke fai hono finangaló. Ko e tuí ʻoku ʻikai ko ha meʻa ia, ke tau ngāueʻaki ke tau ʻai ʻaki ha meʻa, ke fakahāhā ki he kakai kehé. Ka ko e ʻai kakato mo loto maʻulalo, ke talangofua ki he finangalo ʻo e ʻOtuá, mo e loto fie fai ha meʻa pē, te Ne ui kitautolu ke fai. Ko e lahi ʻo e tuí ʻoku ʻikai ke mahuʻinga ia, ʻo hangē ko hono fai totonu ʻo e tuí, tui kakato ki hotau ʻOtuá iviiviʻia, he ko e tui moʻoní pē ki he ʻOtuá ‘e fai aká, mo tupu pea taʻehā mai ʻuluaki he ko e tengá, te ne kamata ke mafola ʻi he kelekelé, pea toki hā mai. Kainga Moʻui foʻou, ʻoku ʻikai ke tau fiemaʻu ha tui lahi, ko ha kiʻi tenga siʻisiʻi ʻo e tuí, kuo feʻunga, ia ʻo kapau ʻe moʻui pea tupu, pea ʻe toki toʻulu hono fuá mo tupu fakautuutu ʻa e meʻa kotoa pē, he koe lotú ko e tui falala kakato ki he ʻOtuá ʻaki ʻetau maʻu ʻa Sisu Kalaisi ko hotau Fakamoʻuí.
No comments:
Post a Comment