Falaite 9 Tisema, 2016

Nomipa 26: 57-62 ; 1:47 ; 3:2, 4 ; 18:23 ; Sen 46:11 ; Eki 6:20 

Nomipa 26: 57-62

"(57) Pea ko eni ia na‘e lau mei ha‘a Līvai faka-e-honau-ngaahi-fāmili: meia Kēsoni, ‘a e fāmili ‘o ha‘a Kēsoni: meia Kōhate, ‘a e fāmili ‘o ha‘a Kōhate: meia Mēlali, ‘a e fāmili ‘o ha‘a Mēlali. (58) Ko eni ‘a e ngaahi fāmili ‘o ha‘a Līvai: ko e fāmili ‘o ha‘a Līpini, ko e fāmili ‘o ha‘a Hepeloni, ko e fāmili ‘o ha‘a Māhali, ko e fāmili ‘o ha‘a Musi, ko e fāmili ‘o ha‘a Kola. Pea na‘e tupu ‘ia Kōhate ‘a ‘Amilami. (59) Pea ko e hingoa ‘o e uaifi ‘o ‘Amilami ‘a Siokapesi, ko e ‘ōfefine ‘o Līvai, ‘a ia na‘e fanau‘i kia Līvai ‘i ‘Isipite: pea fā‘ele‘i ‘e ia kia ‘Amilami ‘a ‘Ēlone mo Mōsese, mo hona tuofefine ko Meliame. (60) Pea tupu ‘ia ‘Ēlone ‘a Nātapi mo ‘Āpiu, ‘a ‘Eliesa mo ‘Ītama. (61) Pea pekia ‘a Nātapi mo ‘Āpiu ‘i he‘ena ‘atu ‘a e afi kehe ‘i he ‘ao ‘a Sihova. (62) Pea ko kinautolu na‘e lau mei ai ko e toko ua mano mā tolu afe, ‘a e tangata kotoa pē ‘o kamata meiate ia ‘oku taha māhina ‘o fai hake: he na‘e ‘ikai lau ‘a kinautolu fakataha mo ha‘a ‘Isileli, he na‘e ‘ikai ‘ange hanau tofi‘a fakataha mo ha‘a ‘Isileli."

Nomipa 1:47

"(47) Ka ko e kau Līvai na‘e ‘ikai tohi fakataha kinautolu ‘i he lau ‘o e ngaahi matakali fakatupu‘anga."

Nomipa 3:2,4

"(2) Pea ko e ngaahi hingoa eni ‘o e ngaahi foha ‘o ‘Ēlone; ko Nātapi ‘a e ‘uluaki, mo ‘Āpiu, ko ‘Eliesa mo ‘Ītama. (4) Ka na‘e pekia ‘a Nātapi mo ‘Āpiu ‘i he ‘ao ‘o e ‘Eiki, ‘i he‘ena ‘atu ‘a e afi kehe ‘i he ‘ao ‘o Sihova ‘i he Toafa ‘o Sainai; pea na‘e ‘ikai ha‘ana fānau: ko ia ko ‘Eliesa pē mo ‘Ītama na‘e fai ‘a e ngāue fakataula‘eiki fakataha mo ‘Ēlone ko ‘ena tamai."

Nomipa 18:23

"(23) Ka ‘e fai ‘e Līvai ia ‘a e ngāue ‘o e Tēniti Fe‘iloaki‘anga, pea ‘e fua ‘e kinautolu ‘enau hia: ko e tu‘utu‘uni ta‘engata ia, ‘o fai ki ai ‘i he ngaahi to‘utangata ‘amui; ‘e ‘ikai ‘aupito vahe hanau tofi‘a ‘i he lotolotonga ‘o ha‘a ‘Isileli"

Senesi 46:11

"(11) Pea ko e ngaahi foha ‘o Līvai; ko Kēsoni, Kōhati, mo Mēlali."

'Ekisoto 6:20

"(20) Pea mali ‘a ‘Amilami mo Siokapesi ko e tuofefine ‘o ‘ene tamai, pea ne fanau‘i kiate ia ‘a ‘Ēlone mo Mōsese; pea ko e ngaahi ta‘u ‘o e mo‘ui ‘a ‘Amilami ko e ta‘u ‘e teau mo e ta‘u ‘e tolungofulu mā fitu."

Ko hono lau fakatohi kakai ʻa e kau Livaí. Ko e kau Livaí ko e matakali ia ʻa e ʻOtuá, ko e kau Livaí ʻoku ʻikai hanau tofiʻa ʻi he fonua ʻo e talaʻofá, ke hangē ko e toenga ʻo e ngaahi matakalí. Naʻe ʻikai ke lau fakataha kinautolu mo e toengá, ka naʻe lau kinautolu ʻi he kamataʻanga ʻo e tohí ni, ʻi he moʻunga Sainaí. Ko ia ai, naʻa nau haʻu naʻe ʻikai ke nau kau ʻi he hia, naʻe fihia kotoa ai ʻa kinautolu naʻe lau fakatohi kakaí, he naʻe ʻikai ha taha ʻi he kakai naʻe laú ʻe hū ki Kenaní, ka ko Kelepi pē mo Siosiua. Ko e lau ko eni ʻo e kau Livaí, naʻa nau hoko atu pē ʻi he ngaahi matakali kehe ʻo ʻIsilelí. ʻI he tohi kakai ko ení naʻe lahi ʻa e ngaahi hingoa mo e ngaahi fāmili naʻe lisi mai ʻi he tohi kakaí, pea ko e lisi pē eni ʻe ngāueʻaki taha ʻaki ʻe he kakaí ʻi he fonua ʻo e talaʻofá. Ko e lau fakakātoa ʻo e kakai tangata Livaí ko e toko 23,000 ka ko honau ʻuluaki lau ʻi he moʻunga Sainaí, naʻa nau toko 22,000 (3:39) ʻoku nau tupu, ko e toko 1,000 pē. ʻOku tokosiʻi ʻa e tupú pea ko e taha eni ʻo e ngaahi matakali ʻoku tokosiʻi tahá. ʻOku lēkooti ʻe he tohi kakaí ni ʻa e mate ʻa Natapi mo ʻApu‘ukae ko e ʻomai ʻa e afi kehe ki he ʻao ʻo Sihová, kae kimuʻa ia ʻi he angahala, angatuʻu mo e tauteaʻi ʻo Kolá. ʻOku ʻomai ʻa e ngaahi meʻa ko ení naʻe hoko kia kinautolu, ke tau ako ai ʻi he hono fai ʻa e ngāue ʻa e ʻOtuá, ʻoku fiemaʻu ʻa e fai maʻa, pea tuku ki he Laumalie ʻo e ʻEikí ke taki, ka tau fakaongo kakato kiate ia.