Nomipa 26:35-37
"(35) Ko eni ‘a e hako ‘o ‘Ifalemi faka-e-honau-ngaahi-fāmili: meia Sūtela, ‘a e fāmili ‘o ha‘a Sūtela: meia Pēkeli, ‘a e fāmili ‘o ha‘a Pēkeli: meia Tāhani, ‘a e fāmili ‘o ha‘a Tāhani. (36) Pea ko e hako eni ‘o Sūtela: meia ‘Ēlani, ‘a e fāmili ‘o ha‘a ‘Ēlani. (37) Ko e ngaahi fāmili ia ‘o ha‘a ‘Ifalemi na‘e lau, ko e toko tolu mano mā ua afe mā nimangeau. Ko e hako ‘o Siosifa ia faka-e-honau-ngaahi-fāmili."
1 Kalonikali 7:20
"(20) Pea ko e hako ‘o ‘Ifalemi; ko Sūtela, (pea ko Pēleti hono foha ‘o‘ona, mo Tāhati hono foha ‘o‘ona, mo ‘Eliata hono foha ‘o‘ona, mo Tāhati hono foha ‘o‘ona)"
Senesi 48:14
"(14) Pea mafao atu ‘e ‘Isileli hono nima to‘omata‘u, ‘o ne ai ki he ‘ulu ‘o ‘Ifalemi ‘a ia ko e tehina, pea ne ‘ai hono to‘ohema ki he ‘ulu ‘o Manase; ‘o ne ‘ai ‘ilo pē hono nima ke pehē, neongo ko Manase ko e ta‘okete."
Ko e hako eni ʻo Siosifá, ʻia ʻIfalemi ʻo fakafāmili. Ko Sutela mo hono fāmili, pea ko hono foha ko ʻElani mo hono fāmili ia ʻoʻona, naʻe hoko ʻia Sutela ʻa Pekeli mo hono fāmili, ko Talani mo hono fāmili ʻa ia ko e lau fakaetohi kakai ʻa e hako ʻo ʻIfalemi, naʻa nau toko 32,500 ka ko honau lau ʻi he taʻu ʻe 40 kuohilí naʻa nau toko 40,500 ʻa ia leva naʻa nau holo ʻaki ʻa e toko 8,000. Ko ʻIfalemi eni, naʻe fili ʻe Sekopé, ʻo ʻikai ko e lahí, ʻa Manase, ʻo ʻoange ʻe Sekope ki ai ʻa e tapuaki lahiange, pea ʻi he taimi naʻe taʻofi ai ʻe Siosifá, naʻe fakafisi ʻa Sekope ia, ke fanongo kia Siosifa, koeʻuhi kuo tala ʻe he ʻOtua kiate ia, ko ʻIfalemi te ne hoko ko e lahiange.. ʻI he taimi ʻe fili kakai ai ʻa e ʻOtuá, ke fakakakato ʻa ʻEne ngaahi palaní, ʻoku Ne ʻalu loloto Ia, ʻi heʻene fili tangatá, ʻo ʻikai ko ʻene hā maí pe, koe tukufakaholó pe koe tuʻungá. Ko e taimi ʻe niʻihi ʻokú ne fakaʻohovaleʻi kitautolu, ʻaki ʻEne fili ʻe ia ha taha taʻemahino, ki hono ʻātakaí pe, ko ha tangata ʻoku siʻi ʻene meʻa ʻoku maʻú. ʻOku malava pē ʻe he ʻOtuá ia ʻo fili koe, ke ke fakakaukau koe ke maʻu ʻa e kotoa ʻo e ngaahi potó, ke fai ha meʻa. Kaekehe, ko Ifalemi eni, naʻe fili ʻe he ʻOtuá, ʻoku teʻeki ke ne mahinoʻi ha meʻa ʻe taha, ko e lava eni ʻa e taʻu ʻe fāngofulu ʻenau mavahe mei ʻIsipité, ko eni kuo faka fāmili, pea neongo ʻoku holo honau tokolahí, ʻi hono fakahoa ki he ʻuluaki tohi kakai he toafa Sainaí. Ko e meʻa mahuʻingá, ko ʻetau ʻi he fili kakai ʻa e ʻOtuá, ʻia Kalaisi. ʻOku fakamoʻoni mai ʻa e ʻapositolo ko Sioné 15:16, “Naʻe ʻikai ko kimoutolu naʻe fili aú ka ko au naʻa ku fili kimoutolú”. Ko e hā ʻa e meʻa kuo Ne fakangofua ke ke faí, ko e ʻuhinga ia naʻa ne fili ai koé. Pea ke fai ʻaki ia ʻa e kotoa ʻo hoʻo moʻuí he ko Kalaisi naʻa ne fili koe ki aí. Fai ia maʻa Hono langilangí.
No comments:
Post a Comment