Pulelulu 7 Tisema, 2016

Nomipa 26:48-50 ; 1 Kalo 7:13

Nomipa 26:48-50

"(48) Ko e hako ‘o Nafitalai faka-e-honau-ngaahi-fāmili: meia ‘Iakasili, ‘a e fāmili ‘o ha‘a ‘Iakasili: meia Kuni, ‘a e fāmili ‘o ha‘a Kuni: (49) meia ‘Ieseli, ‘a e fāmili ‘o ha‘a ‘Ieseli: meia Sīlemi, ‘a e fāmili ‘o ha‘a Sīlemi. (50) Ko e ngaahi fāmili ia ‘o ha‘a Nafitalai faka-e-honau-ngaahi-fāmili: pea ko kinautolu na‘e lau ko e toko fā mano mā nima afe mā fāngeau."

1 Kalonikali 7:13

"(13) Ko e hako ‘o Nafitalai; ko ‘Iakasili, mo Kuni, mo ‘Ieseli, mo Sālumi; ko e ha‘a Pila‘a ia."

Ko e hako eni ʻo Nafetalaʻi mo honau ngaahi fāmilí. Naʻe ʻi ai ʻa Iakasili pea mo hoʻona ia fāmili, ko Kuni mo hono fāmili, ko Ieseli mo hono fāmili, pea mo Sitemi mo hono fāmili. Ko honau lau fakakātoa ko e toko 45,400, ka ko honau lau ʻi he hili ʻa e taʻu ʻe ua ʻenau mavahe mei ʻIsipité naʻa nau toko 53,400 ʻa ia ʻoku nau holo ʻaki ʻa e toko 8,000 honau tokolahi, ʻi he meimei taʻu eni ʻe 40 ʻenau ʻi he toafá. Koe lao ʻo ʻenau hū ki Kenaní ʻo vahevahe ʻa e fonuá, ko e matakali tokolahí ten au maʻu tofiʻa lahi pea ko kinautolu ʻe tokosiʻí ten au maʻu tofiʻa siʻisiʻi. Ko e fakatātā fakataipe ʻo ʻetau teuaki ki Hevaní he ʻoku talamai ʻe he ʻapositoló, “He kuopau ke tau mātuʻaki eʻa kotoa pē ʻi he ʻao ʻo e fakamaauʻanga ʻa Kalaisí koeʻuhi ke taki taha maʻu hono totongi ʻa e ngaahi meʻa naʻa ne fai ʻi he sinó ʻo fakatatau ki he meʻa naʻa ne faí, ʻene lelei pe kovi” (2 Kol 5:10). Lolotonga ko e moʻui taʻengatá ko e meʻaʻofa tauʻatāina kuo foaki ʻo makatuʻunga pē ia ʻi he kelesi ʻa e ʻOtuá (Efeso 2: 8, 9). Ko kitautolu fakafoʻituitui ʻe fakamaauʻi kitautolu ʻe Kalaisi. Ko e fakamaau ko ʻení ke fakapaleʻi kitautolu ʻi he anga ʻo ʻetau moʻui ʻaki ʻa e meʻaʻofa fakakoloa ʻa e ʻOtuá, ʻa e fakamoʻuí ʻo ʻikai ke tau ʻatā mei he fiemaʻu ʻo e talangofua tōnungá. Pea koe kalisitiané kotoa pē kuopau ke fai ʻenau fakamatala ki he anga ʻo ʻenau moʻuí (Mt 16:27 ; Lo 14:10-12 ; 1 Kol 3:10-15). Kuo tuku kia Kalaisi ʻa e mafai ke fakamaauʻi ʻa e māmani (1 Lo 14:8-11). Neongo ko ʻene fakamaaú ʻoku ngāue pe ia ʻi he ʻetau moʻuí ka koe fakamaau ko eni, pea koe fakamaau fakaʻosi eni ʻi he foki mai ʻa Kalaisí (Mt 25:31-46). Ko e moʻui ʻa e kalisitiané kotoa pē, ʻe toe ʻai ʻi he ʻao ʻo Kalaisí, koeʻuhi ke fakapapauʻiʻaki, honau pale fakalangí. Fai ʻa e moʻui ʻo Kalaisí ʻi he momeniti kotoa pē, maʻa hono langilangí.