Nomipa 26:38-41
"(38) Ko e hako ‘o Penisimani faka-e-honau-ngaahi-fāmili: meia Pela, ‘a e fāmili ‘o ha‘a Pela: meia ‘Asipeli, ‘a e fāmili ‘o ha‘a ‘Asipeli: meia ‘Āhilami, ‘a e fāmili ‘o ha‘a ‘Āhilami: (39) meia Sefufami, ‘a e fāmili ‘o ha‘a Sefufami: meia Hūpami, ‘a e fāmili ‘o ha‘a Hūpami. (40) Pea ko e hako ‘o Pela ‘a ‘Āliti mo Neamani–‘a e fāmili ‘o ha‘a ‘Āliti: meia Neamani, ‘a e fāmili ‘o ha‘a Neamani. (41) Ko e hako ‘o Penisimani ia faka-e-honau-ngaahi-fāmili: pea ko kinautolu na‘e lau mei ai ko e toko fā mano mā nima afe mā onongeau."
Senesi 46:21
"(21) Pea ko e ngaahi foha ‘o Penisimani; ko Pela mo Pēkeli mo ‘Asipeli, ko Kela mo Neamani, ko ‘Ehi mo Losi, ko Mūpimi mo Hūpimi mo ‘Āliti."
1 Kalonikali 7:6,7
"(6) ‘I Penisimani; Ko Pela, mo Pēkeli, mo ‘Itieli; ko e toko tolu. (7) Pea ko e hako ‘o Pela; ko ‘Esiponi mo ‘Osi, mo ‘Osieli, mo ‘Ilimoti, mo ‘Ili; ko e toko nima: ko e ngaahi ‘ulumotu‘a ia, ko e kau to‘a; pea ko honau lau ‘i he tohi ko e toko ua mano mo e toko ua afe mo e toko fā."
1 Kalonikali 8:1-5
"(1) Pea na‘e tupu ‘ia Penisimani ‘a Pela, ko hono ‘uluaki ia; ko ‘Asipeli hono ua, ko ‘Āhala ko hono toko tolu, (2) ko Noha hono fā, mo Lafa hono nima. (3) Pea ai ‘a e hako ‘o Pela, ko ‘Ātali, mo Kela, mo ‘Apihuti, (4) mo ‘Apisua, mo Neamani, mo ‘Ahoa‘a, (5) mo Kela, mo Sefufani, mo Hūlami."
Ko e hako eni ʻo Penisimaní fakafoʻifāmili. Ko Pela mo hono fāmili, ko hono fohá ko Miti mo hono fāmili ia ʻoʻona. Pea mo e foha ʻe taha ʻo Pela, ko Neamani mo hono fāmili ia ʻoʻona. Ko e hoko ʻia Pelá ko ʻAsipeli mo hono fāmili, ko ʻAhilami mo hono fāmili, pea mo Sefufami mo hono fāmili pea mo Hupani foki mo hono fāmili pea ko hono lau honau tokolahí naʻa nau toko 45,600. Ko ʻenau tohi kakai kimuʻá, naʻa nau toko 35,400 ʻa ia leva naʻa nau tupuʻaki ʻa e toko 10,200. ʻOku hā lelei mai ʻa e tupu tokolahi ʻa e haʻa Penisimaní. Ka ʻi he faʻutohi ʻo e tohi kalonikalá naʻa ne hanga ʻe ia ʻo toe lau ʻa e hohoko ʻo e hako ʻo Penisimaní (1 Kalo 8:1-40). Ko Saulá ko e fakatātā mahuʻinga ia, neongo ko ʻene pulé naʻe ngata pē, taʻefakafiefia. Ko e fihi ʻa e hohoko fakatohitapú ʻoku lava ke fakamaamaʻi ange ʻaki hano fakafehoanaki ʻa e lisi ʻo e ngaahi foha ʻo Penisimaní ʻi heni 8:1,2 ; Sen 46:21 ; Nom 26: 38, 39. Ko e faikehekehe ʻa e ngaahi hohokó, koeʻuhi ko e ngaahi lisi ʻo e ngaahi toʻutangata kehekehe. Ka tau kiʻi vakaiʻi pē ʻa e fakatātā mahuʻinga ʻo e haʻa Penisimaní, ʻa Saula, ha meʻa te tau ala ako mei ai. Ko e lēsoni mei heʻene moʻuí. Ko e ʻOtuá ʻokú ne fiemaʻu ʻa e talangofua mei he lotó, ʻo ʻikai ko hono fai ʻo e ngaahi ouau fakalotú. Ko e talangofuá, ʻoku ʻi ai maʻu pē ʻa e feilaulau, ka ko e feilaulaú ʻoku ʻikai ko e talangofua maʻu pe. ʻOku fiemaʻu ʻe he ʻOtuá, ke tau ngāueʻaki hotau ngaahi malohingá, mo hotau ngaahi vaivaiʻangá. Ko hotau ngaahi vaivaiʻangá ʻoku totonu ke Ne tokoniʻi kitautolu, ke tau manatuʻi ʻa ʻetau ʻamanaki naʻe fai atu ki aí. Pea ko e taha hono ngaahi vaivaiʻangá, ko ʻene lotokovi kia Tēvitá mo ʻene feinga ke tamateʻi iá. Ako mei he fakatātā mahuʻinga ʻo e haʻa Penisimaní, ko e ʻuluaki tuʻi ia ʻo ʻIsilelí, pea kuo fakaʻatā ʻe he ʻOtuá ko ʻetau lēsoni
No comments:
Post a Comment