Tokonaki 8 'Epeleli, 2017

Teutalonome 12:5-9; 26:2; Levitiko 17:3,4; 1 Tuʻi 8:29; 2 Kalonikali 7:12

Teutalonome 12:5-9

"5Kaekehe, ko e potu ‘e fili ki ai ‘e Sihova ko homou ‘Otua mei homou ngaahi matakali ke ‘ai ki ai hono huafa, ‘io, ko hono ‘afio‘anga te mou kumi ki ai, pea te mou ‘alu ki ai: 6pea te mou fetuku ki ai ho‘omou ngaahi feilaulau-mōifua, mo ho‘omou tāmate manu, mo ho‘omou tukuhau-hongofulu, mo e me‘a kuo hapai ‘e homou nima, mo ho‘omou ngaahi tukumo‘ui, pea mo ho‘omou ngaahi me‘a‘ofa, mo e ‘olopo‘ou ‘o ho‘omou fanga manu: 7pea ko e potu ko ia te mou kai ai ‘i he ‘ao ‘o Sihova ko homou ‘Otua, pea te mou fiefia ‘i he me‘a kotoa te mou ala ki ai, ‘e kimoutolu mo homou ngaahi fale, ‘a ia kuo tāpuaki ‘aki koe ‘e Sihova ko ho ‘Otua. 8‘E ‘ikai te mou fa‘ifa‘itaki ki ha ngaahi me‘a ‘oku tau fai heni he ‘aho ni, ‘o takitaha fai ‘a e me‘a ‘oku hā lelei kiate ia: 9he kuo te‘eki te mou a‘u ki he mālōlō‘anga, mo e tofi‘a ‘oku ‘atu kiate koe ‘e Sihova ko ho ‘Otua."

Teutalonome 26:2

"2te ke to‘o ha me‘a mei he polopolo ‘o e ngaahi fua kotoa pē ‘o e kelekele, ‘a ia te ke utu mei he fonua kuo foaki kiate koe ‘e Sihova ko ho ‘Otua; pea te ke ‘ai ia ki ha kato, pea te ke ‘alu ki he potu ‘e fili ki ai ‘e Sihova ko ho ‘Otua ke ‘afio ai hono huafa."

Levitiko 17:3,4

"3‘Ilonga ha tangata ‘i he fale ‘o ‘Isileli, ‘a ia ‘oku ne tāmate‘i ha pulu pe lami pe kosi ‘i he ‘apitanga, pe ‘oku ne tāmate‘i ‘i he tu‘a ‘apitanga, 4ka kuo ‘ikai te ne ‘omi mu‘a ki he mata Tēniti Fe‘iloaki‘anga, ke kōpano ‘aki ki he ‘Eiki ‘i he ‘ao ‘o e Tāpanekale ‘o Sihova: ‘e lau toto ki he tangata ko ia; kuo ne lingi toto; pea ‘e tu‘usi ‘a e tangata ko ia mei hono kakai:"

1 Tuʻi 8:29

"29kae ‘ā ho fofonga ki he fale ni ‘i he pō mo e ‘aho, ‘io, ki he potu na‘a ke folofola ai, ‘E ‘i ai hoku hingoa: kae fakaongo ki he lotu ‘e fai ‘e ho‘o tamaio‘eiki ko au ki he potu ni."

2 Kalonikali 7:12

"12Pea hā ‘a e ‘Eiki kia Solomone ‘i he pō, ‘o ne folofola mai, Kuo u ongo‘i ho‘o lotu, pea kuo u fili ‘a e potu ni mōku fale feilaulau‘anga."

KO E POTU KUO FILI KI AI ʻA SIHOVA, KE ʻAI AI HONO HUAFÁ, TE NAU KUMI KI AI. Ko e fekau maheni ki ʻIsileli ke ʻomi kotoa ʻa e ngaahi feilaulaú ki he matapā ʻo e Tapanekalé. Ka ko e fekau ko ení, ko honau tukunga ia ʻi he fonua ʻo e talaʻofá, pea neongo hono lahi ʻa e fonuá ka ko e ʻuluaki meʻa mahuʻinga ia. Pea ko e anga fakaengāue ia ʻi he taimí ni, ko e tangata lotu kotoa pē, ʻoku ne lotu pe ʻe ia mei ha feituʻu pē ʻo hangē ko ia naʻa nau fai ʻi he sinakoke. Ka ko e ouau ko ení, ko hono ʻai ke nau ngāueʻaki ke maluʻi ʻenau kovi ʻi heʻenau lotú, pea mo fakatolongaʻaki ʻenau taha, mo ʻenau feʻofaʻaki fakatokouá, ko e fakataha kotoa ko ení ki he feituʻu ʻa e taha, ʻoku nau hokohoko hono tauhi ʻa e founga pe taha, mo e loto tahá. Kuopau ke nau tauhi ki he feituʻu pe ʻe taha, ko e fakaʻilonga ʻenau taú ki he ongo foʻi moʻoni lalahi ʻe ua, ʻoku tau ʻiloʻi fakataha pe hono ʻomi ʻe he ʻapositoló. “He ʻoku taha pe ʻa e ʻOtuá, taha foki ʻa e fakalafoa ʻi he vahaʻa ʻo e ʻOtuá mo e tangatá, ko Kalaisi Sīsū ko e tangata” (1 Tim 2:5). ʻOku ʻikai ko e tauhi pe ʻa e tui taha ki he ʻOtua Mafimafi, ka ʻokú ne hanga ʻo fakahaaʻi mai ʻoku taha pē ʻa e hala ki he ʻOtuá, pea mo feohi mo ia, ko e ʻEiki Misaiá pē.

Ko e palomesi ko ení, ʻi he taimi te nau nofoʻi ai ʻa Kenaní, ʻe fili ʻe he ʻOtuá ha feituʻu pau, pea te nau ʻomi kotoa ki ai ʻenau ngaahi feilaulau. ʻOku totonu ke ʻoua te nau tuku ko ʻenau talaʻa, ka ʻoku totonu ke nau ʻiloʻi fakapapauʻi ʻa e feituʻu ko ia. Ko ia naʻe kaveinga ki ai ʻa Kalaisí, ʻi he malumalu ʻo e Kosipelí ke ngaohi ha feiutʻu pe ʻe taha, ko e ʻafioʻanga ʻo e mafaí, ʻo hangē ko ia naʻe fakangalingali ai ʻa e kau Lomá. Ka ʻi he taimi ʻihe, malumalu ʻo e kosipelí, ʻoku ʻikai ke tau maʻu ha temipale ʻoku teuʻi koula, ʻikai ke ʻi ai ha ʻolita, ʻoku ʻi ai ʻa e ngaahi meʻaʻofa, ka ko KALAISI pē, ko ia ʻa e feituʻu ke fai mei ai ‘ae lotu, ʻa ē ne tomuʻa tala ʻe he kau palōfitá, ko e feituʻu kotoa pe ʻe ʻi ai ʻa e ʻinisenisi fakalaumalie (Mal 1:11). Kuo fakahā ʻe he Fakamoʻuí, ko e hū ki he Tamaí, kuopau ke fai ʻi he Laumalie mo e moʻoni (Sn 4:21-23) ʻia Kalaisi pē