Pulelulu 7 Sune, 2017

Teutalonome 23:15-16; ‘Ekisoto 22:21; 1 Samiuela 30:15

Teutalonome 23:15-16

"15‘Ē, ‘ikai te ke tukuange ha pōpula ki he‘ene ‘eiki, ka kuo ne hola mai kiate koe: 16ka te ne nofo kiate koe ‘i ho lotolotonga, ‘i ha potu te ne fili ki ai ‘i hao kolo ‘e taha, ‘a ia ‘oku ne lata ai: ‘e ‘ikai te ke fakamālohia ia."

‘Ekisoto 22:21

"21Ko e muli ‘e ‘ikai te ke fai fakamālohi ki ai, pe fakamamahi‘i; he na‘a mou nofo muli kimoutolu ‘i ‘Isipite."

1 Samiuela 30:15

"15Pea lea ‘a Tēvita ki ai, Te ke ‘ohifo au ki he kongakau na? Pea tali ‘e ia, Fuakava mai ‘i he ‘Otua, ‘e ‘ikai te ke tāmate‘i au, pea ‘e ‘ikai te ke tukuange ki he nima ‘o hoku ‘eiki, pea te u toki ‘ohifo koe ki he kongakau na."

KO E FONUA KO ʻISILELÍ, KO E FALE TOPUTAPU, PE KO E KOLO HŪFANGA. Koeʻuhí ko e kau sevaniti ʻoku nau faihala mo ngahiʻi ʻe honau kau pulé, ʻoku nau hola leva ʻo toitoi mei he ngaahi fonua kaungaʻapí. Ko e kau tangata foki ko ení, ko ʻenau hola mei heʻenau ngāue, pea heʻikai ke fai haʻanau fiefia, he naʻe ʻikai fiemaʻu ia ʻe ʻIsileli. Kuopau heʻikai ke nau hanga ʻo fakafoki ʻa e sevaniti ʻoku hola mai, ki hono pule naʻe hola mei ai, kaeʻoua kuo fai hano fakamaauʻi, ke ʻilo ai ʻa e ʻuhinga ʻo e meʻa naʻe hokó, pē naʻa ne faihala ki hono pulé, pē ko ʻene manavahe he tautea. Ko e langilangi ke malu mo maluʻi ʻa e vaivai, mo teuteuʻi ke ʻoua te ne angahala. ʻOku fakaʻatā ʻe he ʻOtuá hono kakaí, ke maʻu meʻa mei ai ʻa e ngaohi kovia. Ko e ʻangeló naʻá ne fakahoko kia Hekaʻā ke foki ki heʻene fineʻeikí, pea ko Paula naʻá ne fekau ʻa ʻOnesema ke foki ki hono pule ko Filimoné, koeʻuhi naʻe ʻikai ko kinaua naʻá na fakatupu ʻena ʻalu ʻo mamaʻo, pea naʻe ʻikai fakahā kia kinaua ʻa e fakatuʻutamaki ʻo e fokí. Ko e sevaniti naʻe mahaloʻi ʻene holá, ko ʻene hola, koeʻuhi ko ʻene moʻui, ki he kakai ʻo ʻIsilelí. Kapau ko e sevaniti kuo mahino naʻe ngaohi koviʻi, ʻoku ʻikai ko ʻenau maluʻi pe ia, ka ke akoʻi ia, ke ne loto ke ne kau ki he lotu, kuopau ke nau ʻoange kiate ia ʻa e fakalotolahi ke ne fie nofo mo kinautolu, pea ʻe vave pe ke mahino kiate ia ʻa e faikehekehe ʻo e fonua ko ʻIsileli, mo e ngaahi fonua kehé, pea ko hono faingamalie ke ne fili ia, ko hono mālōlōʻanga ʻo taʻengata. Ko e tokotaha kuo liliu mo ului ki he moʻoní, ʻi he ʻahó ni, ko e ʻEiki ia ko Sīsū Kalaisi ʻa e moʻoni, pea ke maʻu ʻo Sīsū Kalaisi. ʻOku ne mafai ke ne lilu, ʻa e sevaniti, ke ne tali ʻa e meʻa kotoa pe ʻoku hoko ʻi he ʻātakai ʻoku ʻi aí, pea ʻe fakaivia ʻe he ʻEikí, ke ne fakamoʻoni maʻana ʻi he potu kotoa pe ʻoku ne ʻi ai. He ko kitautolu naʻa tau popula mo sevaniti maʻae angahala, ka ʻi heʻetau ʻia Kalaisí ʻoku tau tamaioʻeiki maʻae ʻOtuá.