Nomipa 23:11-17; 22:20, 38
Nomipa 23:11-17
"(11) Pea me‘a ‘a Pēlaki kia Pēlami, Ko e hā eni kuo ke fai kiate au? Na‘a ku ‘omi koe ke tukitala‘i hoku ngaahi fili, pea vakai, kuo ke mātu‘aki tāpuaki‘i. (12) Pea tali ‘e ia ‘o ne pehē, ‘Ikai ‘oku totonu ke u ta‘ofi au ke lea‘aki ‘a e me‘a pē kuo ‘ai ‘e Sihova ki hoku ngutu? (13) Pea pehē ‘e Pēlaki kiate ia, Ha‘u mu‘a, ke ta ō ki ha potu ‘e taha, ‘a ia te ke sio mei ai kiate kinautolu; ko hano tepu pē te ke mamata ki ai, ka ‘e ‘ikai te ke sio ki honau kotoa: ka ke fai mei ai ma‘aku hano tutuku‘i. (14) Pea ne ‘ave ia ki he toafa ‘o Sōfimi ‘i funga Pīsika, ‘o ne fokotu‘u ha fitu‘i ‘ōlita, ‘o ne feia ha pulu mo ha sipi tangata ‘i he ‘ōlita takitaha. (15) Pea pehē ‘e ia kia Pēlaki, Tu‘u koe heni ofi ki ho‘o feilaulau, ka u ‘alu au ‘o fakalalave ki hē. (16) Pea felāve‘i ‘a Sihova mo Pēlami, ‘o ne ‘ai ha lea ki hono ngutu, ‘o ne folofola mai, Foki kia Pēlaki, pea ‘e pehē ho‘o lea ki ai. (17) Pea ne a‘u kiate ia, pea tā ko ena ia ‘oku ne tu‘u ‘o ofi ki he‘ene feilaulau, pea mo e hou‘eiki Moape fakataha mo ia. Pea me‘a mai ‘a Pēlaki kiate ia, Ko e hā ‘a e folofola mai ‘a Sihova?"
Nomipa 22:20, 38
"(20) Pea hā‘ele mai ‘a e ‘Otua kia Pēlami ‘i he pō, ‘o ne folofola kiate ia, Kapau ‘e ha‘u ‘a e tu‘unga tangata ke ui koe, pea ke tu‘u ‘o ‘alu mo kinautolu; ka neongo ia, ka ko e lea te u ‘atu kiate koe ko ia pē te ke fai. (38) Pea tali ‘e Pēlami kia Pēlaki, Ko eni kuo u ha‘u kiate koe; ka he ‘oku ou momo‘i lava ke fai ha lea? Ko e me‘a kotoa pē ‘e ‘ai ‘e he ‘Otua ki hoku ngutu ko ia pē te u lea‘aki."
Ko e tali ʻa Pelaki kia Pelamí, heʻikai hoko ʻa hono fakamalaʻi ʻo ʻIsilelí, he ko e meʻa ia naʻe ʻomi ai ʻa Pelamí, ke ne hanga ʻe ia ʻo tapuakiʻi, pea kuo loto mamahi ʻa Pelaki ʻo ne fai ai ʻa e foʻi fakakaukau ngali vale, tokoua ke na ʻalu ki ha potu ʻe taha, ʻe lava ai ke na tohoakiʻi ʻa e ʻOtuá, ke fai hono fakamalaʻi ʻo ʻIsilelí. Naʻe ʻamanaki ʻa Pelaki, ʻe langilangi ʻa e ʻOtuá, ʻi heʻene ngaahi feilaulaú, pea naʻá ne tatali ki ha tali mei he ʻOtuá, ʻo fakatatau pe ki hono ʻātamaí, pea ʻi he ʻikai ha tali te ne maʻú, naʻe ngalo leva ʻa e ʻOtuá ia ka ne ʻita kia Pelami. Ko e taimi ʻe niʻihi, ʻoku hanga ʻe he ʻOtuá ʻo ʻai ʻa e ngaahi fili ʻo Hono siasí, ko e meʻa fakakata ki he kakai kehé, ka e taimi tatau ʻoku ʻafio pe ʻi hevani ʻo lōlōfia mai, ki heʻenau taʻemahinó, mo ʻenau lotokoví. Kuo tokalalo ʻa Pelami, koeʻuhi ko e ʻikai lava ke tokoni kia Pelakí.
Ko hono langa ʻa e ngaahi ʻolita foʻoú, naʻe ʻi ai ʻa Pelaki, ko ʻene ngaahi feilaulaú, naʻe vaofi pe mo e ngaahi feilaulau kimuʻá. Ko e fai eni hono ua ʻo e fituʻi ʻolita ʻi he toafa ʻo Sofiní. Naʻe fakafoʻou ʻe Pelami ʻene tafaʻaki ki he ʻOtuá, pea ʻai ʻe he ʻOtuá ha folofola ki hono ngutú, ko hono tuʻo uá eni, pea ne liliu ʻa e malá ko e tapuaki ʻaki ʻa e fuʻu ivi fakaleveleva ʻo e ʻOtuá. Pea ko e tapuaki ko ení, naʻe lahiange mo malohiange ʻi he ʻuluaki tapuakí. Ko e feinga ʻa e tangata efuefu taʻeʻiló, ke liliu ʻa e meʻa ʻa e ʻOtua Mafimafí. ʻOku pehē ʻa e feinga ʻa e tevoló, ke ne hanga ʻo meleʻi ʻa e ngāue ʻa e ʻOtuá, talu pe hono lī hifo ia mei langí ʻo ne haʻu ki māmaní ʻo ne meleʻi ʻa e fakatupu ʻo e tangatá. Pea ʻi he ʻahó ni ʻi he kakai ʻa e ʻEikí kuo fakamoʻui ʻia Kalaisi, pea neongo kuo tapuakiʻi kitautolu ʻia Kalaisi, ka ʻokú ne feinga pe ke toʻo hotau Tapuakí, kae fakamalaʻi kitautolu.
Ko hono langa ʻa e ngaahi ʻolita foʻoú, naʻe ʻi ai ʻa Pelaki, ko ʻene ngaahi feilaulaú, naʻe vaofi pe mo e ngaahi feilaulau kimuʻá. Ko e fai eni hono ua ʻo e fituʻi ʻolita ʻi he toafa ʻo Sofiní. Naʻe fakafoʻou ʻe Pelami ʻene tafaʻaki ki he ʻOtuá, pea ʻai ʻe he ʻOtuá ha folofola ki hono ngutú, ko hono tuʻo uá eni, pea ne liliu ʻa e malá ko e tapuaki ʻaki ʻa e fuʻu ivi fakaleveleva ʻo e ʻOtuá. Pea ko e tapuaki ko ení, naʻe lahiange mo malohiange ʻi he ʻuluaki tapuakí. Ko e feinga ʻa e tangata efuefu taʻeʻiló, ke liliu ʻa e meʻa ʻa e ʻOtua Mafimafí. ʻOku pehē ʻa e feinga ʻa e tevoló, ke ne hanga ʻo meleʻi ʻa e ngāue ʻa e ʻOtuá, talu pe hono lī hifo ia mei langí ʻo ne haʻu ki māmaní ʻo ne meleʻi ʻa e fakatupu ʻo e tangatá. Pea ʻi he ʻahó ni ʻi he kakai ʻa e ʻEikí kuo fakamoʻui ʻia Kalaisi, pea neongo kuo tapuakiʻi kitautolu ʻia Kalaisi, ka ʻokú ne feinga pe ke toʻo hotau Tapuakí, kae fakamalaʻi kitautolu.
No comments:
Post a Comment