Sapate 3 Sepitema, 2017

Siosiua 3:5,6; ‘Eki 19:10,14,15; Lev 20:7; Nom 4:15; 11:8; Sioeli 2:16
 

Siosiua 3:5,6

"5Pea lea ‘a Siosiua ki he kakai, ‘o pehē, Mou tapui kimoutolu, he ko e ‘apongipongi ‘e fai mana ‘e Sihova ‘i homou lotolotonga. 6Pea lea ‘a Siosiua ki he kau taula‘eiki ‘o pehē, Hiki ‘a e ‘A‘ake ‘o e Kovinānite, ‘o laka atu ‘i he ‘ao ‘o e kakai. Pea na‘a nau hiki ‘a e ‘A‘ake ‘o e Kovinānite, ‘o nau laka atu ‘i he ‘ao ‘o e kakai."

‘Ekisoto 19:10,14,15

"10Pea folofola ‘a Sihova kia Mōsese, ‘Alu ki he kakai, ‘o fakama‘a ‘a kinautolu he ‘aho ni mo e ‘apongipongi, pea tuku ke nau fō honau kofu. 14Pea ‘alu hifo ‘a Mōsese mei he mo‘unga ki he kakai, ‘o ne fakama‘a ‘a e kakai, pea nau fō honau kofu. 15Pea na‘a ne pehē ki he kakai, Mou ‘osi teuteu ki hono tolu ‘o e ‘aho: ‘oua na‘a ofi ki ha fefine."

Levitiko 20:7

"7Ko ia mou fakatāpui kimoutolu ke mau tāpuhā: he ko Sihova au ko homou ‘Otua."

Nomipa 4:15

"15Pea ‘i he ‘osi ‘e ‘Ēlone mo ‘ene fānau ‘a e ‘ufi‘ufi ‘o e Potu Tapu, mo e nāunau kotoa ‘o e Potu Tapu ‘i he ‘amanaki hiki atu ‘a e ‘apitanga, pea hili ia ‘e toki hū ‘a ha‘a Kōhate ke fua: kae ‘ikai te nau ala ki he ngaahi me‘a tapu na‘a nau mate. Ko eni ‘a e kavenga ‘a ha‘a Kōhate ‘i he Tēniti Fe‘iloaki‘anga."

Nomipa 11:8

"8Na‘e fai holo ‘a e kakai hono tufi, ‘o nau momosi ‘i he ngaahi me‘a momosi, pe tuki ‘i he ngaahi tukinga, pea nau haka ‘i he ngaahi kulo, mo nau ngaohi keke ‘aki: pea ko hono ifo na‘e hangē ko e ifo ‘o e keke natu lolo."

Sioeli 2:16 

"16Fakatefua mai ‘a e kakai,
Tu‘utu‘uni ha fakataha fakasiasi;
Tānaki ‘a mātu‘a,
Fakatefua mai ‘a e tamaiki mo e kei huhu:
Ke ha‘u ‘a e tangata ta‘ane mei hono loki,
Mo e ta‘ahine mei hono leke."

 

ʻI HE TAIMÍ NI KUO AʻU MAI ʻA ʻISILELI KI HE KAUVAI SOATANÍ ka ʻi he taimi ʻo ʻenau fou atu ai ʻi Soataní ko e ola pe ʻo e mana, ka fai ko honau fakafofonga. He ko ʻenau mavahe mai mei he toafá, ko e mana pe naʻa nau fou mai ai, pea ki heʻenau moʻui lolotongá, ko e meʻa tatau pe. Pea ʻoku pehē pe mo kitautolu ʻi he ʻahó ni ʻoku tau moʻui pe ʻi he funga ʻo e fokotuʻutuʻu maʻongoʻonga ʻa e ʻOtuá pea maʻa hono ngeiá mo e langilangi.
Naʻe fekauʻi ʻa ʻIsileli ʻe Siosiua ke nau fakatapui kinautolu, ko e konga ia ʻo ʻenau teuteu ke kau fakataha ki he ʻaʻaké, he ʻoku ʻi ai ʻa e ʻuhinga lelei. Koeʻuhi ko e ʻapongipongi ʻe fai mana ʻe Sihova ʻi homou lotolotongá (v.5). ʻOku fai ʻe he ʻOtuá ʻa e ngaahi mana ke mahino hono ngeiá mo hono mafí, pea ke ʻatautolu ʻa e falala kakato kiate ia, ko hotau ʻOtua ia, pea ko hono kakai kitautolu. He kuo tau maheni mo e ngaahih fakaʻilonga lahi ʻo ʻene ʻofá pea mo hono iví, pea kuopau ke tau ako ke ʻave mamaʻo meiate kitautolu ʻa e ngaahi ʻuli ʻo e angahala, pea ke tau tokanga makehe foki, ke ʻoua naʻa tau fakamamahi ki he Laumalie Maʻoniʻoni ʻo e ʻOtuá. He ko ia ʻa e tala ʻa e ʻapositolo “Ko e meʻa lelei ko ia kuo tuku kiate koe, ʻe ke ke tauhi ʻi he Laumalie Maʻoniʻoni ʻa ia ʻoku nofo ʻiate kitautolu”. Ko e momeniti pe kuo tau maʻu ai ʻa Kalaisí ʻoku ʻomai ʻe he ʻOtuá ʻa e Tamai, ʻa e Laumalie Maʻoniʻoni ke ne ʻafio ʻe ia ʻi hotau ngaahi loto, pea ke matuʻaki mahino kia kitautolu ʻa ʻene ʻafio ʻi hotau ngaahi lotó ke tau tauhi ʻa e maʻa ʻoku fai ʻi heʻetau moʻuí, pea ʻi hono mafaí ʻoku tau lavaʻaki ʻa hono fakafepakiʻi ʻa e angahalá, ke ne fai ʻe ia hotau ngaohi ke tau maʻa ʻo moʻui ʻaki ʻa e maʻa ko ia. He ʻoku tau fakatupu mamahi kiate ia, ko e ʻikai ke tau ngāue ʻaki ʻene maʻa mo hono fuʻu iví, ka tau kei fai kitautolu ia ʻi he angimui ki he taki, mo e holi ʻa e kakanó mo māmani, ʻa ē kuo tamateʻi ʻe Kalaisi (Kali 6:14)