Pulelulu 14 Sept, 2016

Nomipa 13:26–33; 14:36,37; ‘Ekisoto 3:8; Teutalonome 1:25,28; Siosiua 14:8 

Nomipa 13:26–33

 “(26) Pea na‘a nau ‘alu ‘o a‘u kia Mōsese mo ‘Ēlone mo e fakataha kātoa ‘o ha‘a ‘Isileli, ki he Toafa ‘o Pēlana ki Kētesi; pea nau tala kiate kinaua mo e fakataha kātoa honau fekau, pea nau ‘ange ‘a e fua ke nau mamata ai. (27) Pea nau ‘a‘au kiate ia ‘o pehē, Na‘a mau a‘u ki he fonua na‘a ke fekau kimautolu ki ai, pea tā ‘oku mahutafea ‘i he hu‘akau mo e honi; pea ko hono fua ē. (28) Ko hono me‘a pē ‘oku mālohi ‘a e kakai ‘oku nofo‘i ‘a e fonua, pea ‘oku ‘aa‘i ‘a e ngaahi kolo ‘o fu‘u lalahi: kae‘uma‘ā foki na‘a mau mamata ki he hako ‘o ‘Ānaki. (29) ‘Oku nofo ‘a ‘Amaleki ki he fonua ko Tonga: pea ko e Heti mo e Siepusi mo e ‘Āmoli ‘oku nofo ‘i he fonua mo‘unga: pea ‘oku nofo ‘a e Kēnani ki tahi, pea mo e tafa‘aki ‘o Soatani. (30) Pea na‘e lolomi ‘e Kēlepi ‘a e me‘a ‘a e kakai kia Mōsese, he‘ene pehē, Tau ‘alu hake leva, ‘o ma‘u ia: he te tau lava noa pē. (31) Ka ko e tu‘unga me‘a na‘a nau ō mo ia na‘a nau pehē, ‘E ‘ikai te tau lava ke ‘alu ‘o tau‘i ‘a e kakai, he ‘oku nau mālohi ‘iate kitautolu. (32) Pea na‘a nau fakaongokovi ki ha‘a ‘Isileli ‘a e fonua na‘a nau asiasi, he‘enau pehē, Ko e fonua na‘a mau ‘alu atu ai hono asiasi ko e fonua ia ‘oku ne keina ‘a e kakai ‘oku nofo ai; pea ko e kakai kotoa na‘a mau mamata ai ko e kakai lalahi. (33) Pea mau mamata ai ki he kau saiāniti ko e hako ‘o ‘Ānaki, ‘a ia ko e hako ‘o e fa‘ahinga lalahi: pea na‘a mau hā kiate kinautolu ko e fanga he‘e pē, pea pehē ‘emau hā kiate kinautolu.” 

Nomipa 14:36,37
"(36) Pea ko e tu‘unga tangata na‘e fekau atu ‘e Mōsese ke asiasi ‘a e fonua, ‘a ia na‘a nau foki ‘o fakatupu ‘a e lāunga ‘a e fakataha kiate ia, he‘enau fakaongo kovi ‘a e fonua; (37) ‘io, ko e tu‘unga me‘a na‘a nau ‘omi ‘a e ongoongokovi ‘o e fonua, na‘a nau mate fakafokifā ‘i he mahaki ‘i he ‘ao ‘o e ‘Eiki"

'Ekisoto 3:8
"(8) pea kuo u ‘alu hifo ke fakahaofi kinautolu mei he nima ‘o e kau ‘Isipite, pea ke ‘ohake kinautolu mei he fonua ko ia ki ha fonua lelei mo lahi, ha fonua ‘oku mahutafea ‘i he hu‘akau mo e honi; ‘a e feitu‘u ‘o ha‘a Kēnani, mo ha‘a Heti, mo ha‘a ‘Āmoli, mo ha‘a Pēlisi, mo ha‘a Hevi, mo ha‘a Siepusi."

Teutalonome 1:25,28
"(25) Pea nau ala ki he fua ‘o e fonua, ‘o nau to‘o ha me‘a ‘o ‘ohifo kiate kitautolu, pea nau foki mo kinautolu hatau tala, ‘o nau pehē, ‘Ā, ko e fonua lelei ‘a ia ‘oku tuku mai ‘e Sihova ko hotau ‘Otua. (28) Ko ‘etau ‘alu hake ki fē? Kuo fakavaivai‘i hotau loto ‘e he kāinga ni, he‘enau pehē, Ko e kakai lahi hake mo lōloa ‘iate kitautolu; lalahi honau ngaahi kolo, pea tau hake honau ‘ā ki langi; kae‘uma‘ā foki na‘a mau mamata ai ki ha kakai ‘Ānaki."

Siosiua 14:8
"(8) Ka ko e kāinga na‘e ‘alu hake mo au na‘a nau fakavaivai‘i ‘a e loto ‘o e kakai: ka ko au na‘a ku topuva‘e taha mo Sihova ko hoku ‘Otua."

Ko e fakamatala ‘o Kenani, mei he kau asiasi´. Na’e tala ‘e he ‘Otuaˊ ki ‘Isileli, ko e Fonua ‘o e Tala’ofaˊ ‘oku koloa’ia, mo mahu, mo mo’ui hono kelekeleˊ, pea Ne toe palomesi, ko e fonua´ ‘e ‘anautolu ia. Ka ‘i he taimi na’e lipooti mai ai ‘e he kau asiasiˊ kia Mosese´, na’e totonu ke nau ‘oange, ‘a e ngaahi ‘uhinga lelei, ke nau hü ai ki he fonuaˊ, ka na’e ‘ikai, ke nau lava ‘o ta’ofi, he na’a nau tokanga, ki he’enau manavahē´. Na’a nau talanoa ki he kau saieniti´ (hako ‘o ‘Anaki) mo e ngaahi kolotau, ‘o faingofua ai, ke ngalo ‘a e palomesi ia ‘a e ‘Otua,ˊ ‘a ë, ‘e tokoni kiate kinautolu´. ‘Oua ‘e ‘omai ‘a e ‘ū me’a ta’emo’oniˊ, ke nau fakatupu ha mole ‘a e sio ia ki he ngaahi me’a mo’oni´. Fua tautau ‘a e ongo tafa’akiˊ pe ke tokanga ke ‘oua ‘e ‘ai ‘a e ngaahi faingata’aˊ ke ne fakakuihi kitautolu mei he ivi ‘o e ‘Otuaˊ mo ‘Ene palōmesi ke Ne tataki ‘etau fononga´. 

Neongo ko Ketesi, ko e ki’i töafa mo’ui pë, hono kelekele, ka ko e hala fononga ia ‘o ‘Isileli ‘i honau hisitolia´. ‘I he foki mai ‘a e kau asiasi´ mo e talanoa ‘o e fonua fo’ouˊ, na’e fakapapau’i ai pë ‘e he kakaiˊ, pë te nau hü ki he fonua´, pë te nau nofo kinautolu ‘i Ketesi. Ko Ketesi´, na’e talangata’a ai ‘a Mosese (ki he ‘Otua´ 20:7 – 12). Tu’unga he’ene faka’ikai, ke hü leva ki he fonua ‘o e Tala’ofa, ko ‘Elone mo Meliameˊ, na’a na mate ai pë ‘i Ketesi, ‘oku ofi pë ‘a Ketesi, ki he kau’āfonua fakatonga ‘o Kēnani´. Ka koe’uhiˊ ko e si’i ‘a e tuiˊ, ne ‘osi pë honau taimi mo’uiˊ ‘oku te’eki ke nau hü ki he fonua´. 

Fakakaukau angeˊ ki ha taha ‘oku tu’u, ‘i he ‘ao ‘o e kakaiˊ, mo kaila le’olahi, ha lea ta’emanakoa. Ko Kelepi ia, na’a ne loto pë ke tu’u,he ‘ao ‘o e kakaiˊ ke fakahaa’i ‘a e me’a ta’emanakoa. Ka ko e fekau ia ‘a e ‘Otuaˊ ke longomo’ui, ‘i hono fakafepaki’i ‘a e kakaiˊ, kuopau ke ne: 

1. Ma’u ‘a e mo’oni´ (ko Kelepi na’e sio ‘i he fonua).
2. Ma’u ‘a e ‘ulungaanga totonu´ (ko Kelepi na’e falala ki he ‘Otuaˊ), ‘I He’ene palomesi ke oange ‘a e fonua´ ki ‘Isileliˊ. 
3. ‘Oange ma’ala’ala ‘a e me’a ‘oku tui ki ai´ (ko Kelepi na’a ne pehë) “ Tau ‘alu hake leva ‘o ma’u ia, he te tau lavanoa pë.