Nomipa13:17-20; Teutalonome 31:6,7,23; Fakamaau 1:9
Nomipa 13: 17-20 - “(17) Pea fekau kinautolu ‘e Mōsese ke asiasi ‘a e fonua ko Kēnani, ‘o ne pehē kiate kinautolu, ‘Alu hake pē ‘i he feitu‘u ko Tonga, ‘o fai atu ki he fonua mo‘unga; (18) pea vakai ‘a e fonua, pe kuo fēfē; mo e kakai ‘oku nofo ai, pe ‘oku nau mālohi pe vaivai, pe ‘oku nau toko si‘i pe tokolahi; (19) mo e fonua ‘oku nau nofo ai, pe ‘oku lelei ia pe kovi; pea fēfē ‘a e ngaahi kolo ‘oku nau nofo ai, pe ko e ngaahi ‘apitanga pē, pe ko e kolotau; (20) pe kuo fēfē ‘a e kelekele, pe ‘oku mo‘ui, pe ‘oku kākā, pe ‘oku ‘akau‘ia, pe ‘oku ‘ikai. Pea mou lototo‘a ‘o ‘omi ‘a e fua ‘o e fonua. (Pea ko e fa‘ahi ta‘u ko ia ko e taimi ke polopolo ‘a e kālepi.)”
Teutalonome 31:6,7,23 - “(6) he ko Sihova ko ho ‘Otua ko ia ia ‘oku hā‘ele mo kimoutolu; ‘e ‘ikai te ne fakatukuhāusia‘i koe, ‘uma‘ā ha‘ane li‘aki. (7) Pea ui ange ‘e Mōsese ‘a Siosiua, ‘o ne pehē kiate ia ‘i he ‘ao ‘o ‘Isileli kātoa, Ke ke lototo‘a, mo tu‘u kalikali: he ko koe te ke hū mo e kakai ni ki he fonua ne fuakava ai ‘e Sihova ki honau tupu‘anga, ke ‘ange kiate kinautolu; pea te ke fakatofi‘a‘i ai kinautolu. (23) Pea ne feia ha tu‘utu‘uni kia Siosiua, foha ‘o Nuni, ‘o ne pehē, Ke ke lototo‘a, mo ke tu‘u kalikali: he ko koe te ke fakahū ‘a ha‘a ‘Isileli ki he fonua na‘a ku fuakava ai kiate kinautolu: pea ko au te u ‘iate koe”
Fakamaau 1:9 - “(9) Pea hili ia na‘e ‘alu hifo ‘a ha‘a Siuta ke tau‘i ‘a ha‘a Kēnani na‘e nofo ‘i he fonua mo‘unga, mo e feitu‘u ko Tonga, mo e Sēfela‘a.”
Ko hono tuku atu ‘a e kau asiasiˊ ki he fonua ‘o e Tala’ofaˊ. Na’e fakapapau’i pë ‘e Mosese, pë ko e hā ‘a e fakamatala ‘oku fiema’u ke ma’u mai ‘e he kau asiasi´, kimu’a pea nau hü ki he fonua ‘o e Tala’ofaˊ. Pea na’a ne to’o pë ‘a e ngaahi sitepu, ke kau mai ‘i he fakamatala te nau foki mai mo ia´, ko e me’a lalahi ‘e ua, na’e ‘oange kiate kinautoluˊ ke nau tokanga ki ai´. Ko e ‘uluakiˊ ke nau tokanga ki he fonuaˊ, pea ko hono ua,ˊ ke nau tokanga ki he kakai ‘oku nau nofo’i ‘a e fonua´. Pea na’e tuku atu leva ‘e Mosese, ‘a e kau asiasi´ mo e ongo me’a ko iaˊ. Pea ‘ikai ko ia pë, ka ke lotolahi, ‘i hono fakafepaki’i ‘a e ngaahi faingata’a´, te nau fehangahangai mo ia´, pea ‘oku totonu foki, ke nau ‘omai ‘a e fakamatala fakalotolahi ki he kakai ˊIsileli´. Pea ke nau fai ‘a e lelei taha´, ‘i he me’a kotoa pë. Pea ke ‘i ai foki ha pule’i lelei, mo ha ongoongolelei, pea ‘oku nau talitali atu, mo e falala kakato, kiate kinautolu. He ‘oku ‘i ai ‘a Kelepi, pea mo Siosiua, ‘ia kinautolu. Na’a nau vakai’i kotoa mei he kelekele´, mo e ‘akau´, mo e kakai´, mo e ngaahi kolo ‘oku nau nofo ai´, pea ke nau ‘omai foki ha fua’i ‘akau, he ko e taimi ‘eni hono ‘uluaki toli,’a e ngoue kälepi´, ‘i he fonua ko Kenani´. Ko e Kenani fakalangi´ leva, ‘oku taha mātē pē ‘a e me’a, ‘oku fai ki ai ‘a e fakamama’u´, ko hono Tu’i´ pë, ‘a ia ko Kalaisi, he ko hono ma’u ‘a Kalaisiˊ ko e ma’u kotoa´ ia, he ‘oku ‘iate Ia ‘a e me’a kotoa pë ‘o ‘Itāniti´. Pea ‘oku taha mātē pē ‘a e founga ki ai´, ko ‘etau TUI FALALA kakato kia Sīsū Kalaisi, ‘io, pea luva mo e sino´ kiate Ia (Loma 12:1). Ko e mo’ui fo’ouˊ, ko e mo’ui ta’engata, ‘i Taimi mo Hēvani foki.
No comments:
Post a Comment