Nomipa 14: 5-10
“(5) Pea tō fo‘ohifo ‘a Mōsese mo ‘Ēlone ‘i he ‘ao ‘o e fu‘u fakataha ‘o ha‘a ‘Isileli kuo kātoa mai. (6) Pea ko Siosiua ko e foha ‘o Nuni mo Kēlepi ko e foha ‘o Sīfune, ‘a ia na‘e ‘i he kau asiasi, na‘a na hae hona kofu; (7) ‘o na lea ki he fakataha kotoa ‘o ha‘a ‘Isileli, ‘o pehē, Ko e fonua na‘a mau ‘alu atu ai hono asiasi ko e fonua lelei ‘aupito ‘aupito. (8) Kapau ‘e hōifua ‘a e ‘Eiki kiate kitautolu te ne fakahū kitautolu ki he fonua ni, pea te ne foaki kiate kitautolu; ko e fonua ‘oku mahutafea ‘i he hu‘akau mo e honi. (9) Kehe ke ‘oua te mou angatu‘u kia Sihova, pea ‘oua te mou manavahē ki he kakai ‘o e fonua ko ē; he ko ‘etau me‘akai kinautolu; kuo hiki honau malumalu meiate kinautolu, pea ko e ‘Eiki ‘oku ‘iate kitautolu: ‘oua te mou manavahē kiate kinautolu. (10) 0Ka ka pehē ‘e he fakataha kotoa ke tolomaka‘i kinaua, mo e hā ‘a e kolōlia ‘o e ‘Eiki ‘i he Tēniti Fe‘iloaki‘anga, ‘o e‘a ki ha‘a ‘Isileli kātoa.”
Nomipa 13:27
"(27) Pea nau ‘a‘au kiate ia ‘o pehē, Na‘a mau a‘u ki he fonua na‘a ke fekau kimautolu ki ai, pea tā ‘oku mahutafea ‘i he hu‘akau mo e honi; pea ko hono fua ē."
Nomipa 24:8
"(8) Ko ‘Ela ‘oku taki ia mei ‘Isipite, Hangē ‘oku ‘iate ia ‘a e mālohinga ‘o e pufaloe: Te ne ngungu ‘ani kakai ko hono ngaahi fili, Te ne mihi honau ngaahi hui, Honau tenga te ne laiki."
Ko Kelepi mo Siosiua´, ke na fakanonga ‘a e kakai´. Na’a na hae hona kofu´, ko e fakahaa’i ia, ‘o e mamahi lahi, koe’uhi´ ko e fakafisi ‘a e kakaiˊ ke nau ‘alu ki he Fonua ‘o e Tala’ofa´. Kaekehe, ko e hili ia ‘o e ngaahi mana lahi, kuo fai ‘e he ‘Otuaˊ ki ‘Isileli´. Ko hono fakahü kitu’a ‘e he ‘Otuaˊ ‘a ‘Isileli mei he nofo popula ‘i ‘Isipiteˊ ‘o fou atu ‘i he toafa ma’oma’onganoa, ‘o pehë atu ai pë, ki he ngata’anga ‘o e Fonua ‘o e Tala’ofa´. Na’a Ne malu’i kinautolu, mo fafanga kinautolu, mo fakakakato, ‘a e ngaahi palomesi kotoa pë. Pea ‘i he taimi na’e fakalotolahi’i ai kinautolu, ke nau fai ‘a e fo’i laka faka’osi ‘i he tuiˊ, mo hü ki he fonuaˊ. Ko e kakai,ˊ na’a nau fakafisi kinautolu, hili hono fakamo’oni ‘o e ngaahi manaˊ, ko e hā ‘a e ‘uhinga, na’a ta’ofi ai ‘enau falala ki he ‘Otuaˊ? Ko e hā ‘a e ‘uhinga, na’a nau fakafisi ai, ke hü ki he Fonua ‘o e Tala’ofaˊ. ‘I he taimi ko ë, ko ‘enau taumu’a´ ia, talu ‘enau mavahe mei ‘Isipite. Na’a nau manavahē. ‘Oku tau toutou fai pë, ‘a e me’a tatau, ‘oku tau falala ki he ‘Otua,ˊ ke Ne fai ‘a e fanga ki’i me’a iiki ange, ka tau tala’a, ‘i Hono potoˊ, ke Ne tokanga’i, ‘a e ngaahi palopalema´ ko ‘etau ala ko ë ke fakapapau’i ha me’a, ko e tu’unga ia ‘o e manavasi’i´. ‘Oua ‘e ta’ofi ho’o falala, ki he ‘Otuaˊ, ‘i he teuteu ke a’u ki he taumu’a fonongaˊ te tau lava ‘o hokohoko atu ‘etau falala ki he ‘Otuaˊ, ‘o kapau te tau manatu’i, ‘Ene ngaahi me’a kuo Ne fai ma’a kitautolu´.
Ko e ongo tangata fakapotopoto ko ‘eni, ‘a Kelepi mo Siosiua, na’a na fakalotolahi’i ‘a e kakaiˊ, ke nau ngäue ki he palomesi ‘a e ‘Otua´, pea nau laka ki he fonuaˊ. Na’e fakafisinga’i ‘e he kakai´ ia ‘ena fale’i´, pea nau alea kinautolu, ke tamate’i kinaua. Fakatokanga’i eni, pea fakahoa ki he Folofola ‘a e ‘Otua,ˊ mo ‘Ene akonakiˊ. Ko e fale’i´ ‘oku mei he fekau ‘a e ‘Otuaˊ. Tu’u foki ho’o falala´ ‘i he ‘Eiki´ pea te Ne fai ‘e Ia (Saame 37:4). Ko ‘etau ‘ia Kalaisiˊ, ko Ia hotau ‘Eikiˊ, pea ko Ia, hotau Puleˊ ‘i he me’a kotoa pē. Hu’i ā ‘a e loto’i tangata´, ‘o tuku.
No comments:
Post a Comment