Tusite 13 Sept, 2016

Nomipa13:21-25; Siosiua15:14; Saame78:12,43 

Nomipa13:21-25 -  “(21) Ko ia na‘a nau ‘alu hake, ‘o asiasi ‘a e fonua mei he Toafa ‘o Sini ‘o a‘u ki Lēhopi ki he Hū‘anga ki Hēmati. (22) Pea ko ‘enau ‘alu na‘e fai ‘i he feitu‘u ko Tonga, ‘o nau a‘u ai ki Hepeloni; pea kuo ‘i ai ‘a ‘Ahimani, Sesai, mo Tali mai, ko e hako ‘o ‘Ānaki. (Pea na‘e langa ‘a Hepeloni ko e ta‘u ‘e fitu ki mu‘a ‘i Soani ‘i ‘Isipite.) (23) Pea nau a‘u ki he Tele‘a ‘o ‘Esikoli, pea nau ta ai ha fuhinga kālepi ‘e taha, pea na‘e ha‘amo ‘e ha toko ua; na‘a nau ‘omi pomikānite foki, moni fiki. (24) Na‘e fakahingoa ‘a e potu ko ia ko Tele‘a ‘Esikoli (ko Fuhinga) koe‘uhi ko e fuhinga na‘e tu‘usi mei ai ‘e ha‘a ‘Isileli. (25) Pea na‘a nau foki mei he asiasi ‘o e fonua kuo ‘osi ‘a e fāngofulu‘i ‘aho.” 

Siosiua 15:14
"(14) Pea kapusi mei ai ‘e Kēlepi ‘a e tolu‘i hako ‘o ‘Ānaki, ‘a Sesai mo ‘Ahimani mo Talimai: ko e ngaahi fo‘i ‘Ānaki kinautolu."

Saame 78:12,43
"(12) ‘I he ‘ao ‘o ‘enau ngaahi kui na‘a ne fai me‘a lalahi, ‘I he fonua ko ‘Isipite, ‘i he tuku‘uta ‘o Soani. (43) ‘A ‘ene tuku ‘ene ngaahi faka‘ilonga ‘i ‘Isipite, Mo ‘ene ngaahi me‘a fakaofo ‘i he tuku‘uta ‘o Soani."

Ko hono vakai’i ‘o Kenani´. ‘Oku tau ma’u ‘i ha fakamatala nounou, na’e fai mai ‘e he kau asiasi´ ki he fonua ‘o e Tala’ofaˊ. Na’a nau hü ki he fonuaˊ, ‘o nau kamata mei Sini, mei he fakatonga´, ‘o a’u ki he hü’anga ki Hemati´, ‘o fai hifo ai ki Hepeloni (Siosiua 34:3 – 8). Ko e ngatangata’anga ia ‘o Kenani´. Na’a nau tokanga ki Hepeloni, ‘a ë na’e tanu ai ‘a e kau peteliake´ (Senesi 23:2). Na’a nau tokanga’i foki ‘a e koloˊni kuo langa, ko e koloa ia, ‘a e ha’a ‘Anaki´, ko honau hingoa´ eni ‘i he v.22. Pea nau taa’i ha fuhinga kälepi, mo e ngaahi fua kehe pë ‘o e fonuaˊ (ko e pomikanite mo e fiki), ko e fakamo’oni ia, ‘o e lelei makehe ‘o e fonuaˊ. Na’a nau ‘omi ‘a e fu’u fuhinga kälepi mei he tele’a ‘o Esikoli´ (‘uhinga=fuhinga), he ‘oku mahino hono lahi ‘o e fuhinga kälepiˊ he na’e fua ia ‘e he tokoua, ko e lelei ‘o e fonuaˊ. Na’a nau fakahoa ‘a e langa ‘o Hepeloniˊ ki he kolo ko Soana ‘i ‘Isipite´. Ko e kolo ia na’e ‘i ai ‘a e fanga potoˊ, ‘i hono tautea ‘o ‘Isipite´. Pea neongo ko ‘Isipite ë, mo Soana, pea ko Kenani ë, mo Hepeloni, ka ‘oku ‘a e ‘Otuaˊ ‘a e me’a kotoa pë ‘o e ‘univeesiˊni, pea mo e fakaleveleva ‘o ‘Ene puleˊ. Pea ‘oku taau mo Ia, ke Ne ma’u ‘a e kolōlia´, mo e faka’apa’apa kotoa pë, fai mo e talangofua li’oa. He ko ‘Isileli ë, na’a nau tötöivi, mo e faka’amua, ‘a e ngaahi fua’i’akau ‘o Kenani´. Pea hangë ko e fiemälie lolotonga ‘oku tau ma’u ‘i he feohi mo e ‘Otuaˊ ‘ia Kalaisi´. Kuo tau tomu’a ‘ahi’ahi’i ‘a e fiefia haohaoa´, ‘a ë ‘oku tau ‘amanaki ki ai´, ki he Kenani fakalangi´. Fa’a feohi mo e ‘Otua´, ke ke ‘inasi ‘i hono ‘ahi’ahi’i, ‘o e fiefia ta’engata´. ‘Oku lava pë ke tau sio atu ki he kau asiasiˊ, ko e hā fua mai, ‘a e fuhinga kälepi´. Ko e asiasi kehe´, na’e ‘ikai ke nau fie fai ‘e kinautolu, ha me’a ke ongoongolelei ai, ‘a Kenani. Ko e kau ta’etuiˊ he‘ikai ke nau fie tu’uaki ‘e kinautolu ‘a Hēvani. Fēfē koe tangata ‘a e ‘Otuaˊ? Fai hotau lelei taha´ hono faka’ali’ali, mo fakamatala’i´. He ko ho’otautolu kolo´ ‘oku tu’u ia ‘i langi, (Filipai 3:20) ‘o fou ‘ia Kalaisi.