Nomipa 14:1-4; ‘Ekisoto 16:2; 17:3; Teutalonome1:39,45; Nehemaia 9:17; Ngaue 7:13
Nomipa 14:1-4
“(1) PEA hiki ‘e he fakataha ‘enau fu‘u fākafoa; pea tangi ‘a e kakai ‘i he pō ko ia. (2) Pea lāunga ‘a ha‘a ‘Isileli kātoa kia Mōsese mo ‘Ēlone; pea na‘e pehē kiate kinaua ‘e he fakataha kātoa, Taumaiā na‘a mau mate ‘i ‘Isipite! Pe taumaiā na‘a mau mate ‘i he toafa ni! (3) Pea ko e hā kuo ‘omi ai kimautolu ‘e Sihova ki he fonua ni ke mau tō ‘i he heletā, kae taki pōpula homau uaifi mo e fānau? ne mei lelei mu‘a ‘etau foki ki ‘Isipite? (4) Pea nau fepehē‘aki, Tau fokotu‘u hatau kapiteni, ‘o tau foki ki ‘Isipite.”
'Ekisoto 16:2
"(2) Pea na‘e lāunga ‘a e fakataha kotoa ‘o ha‘a ‘Isileli kia Mōsese mo ‘Ēlone ‘i he toafa"
Teutalonome 1:39,45
(39) Ko ho‘omou tamaiki iiki foki, ‘a ia na‘a mou pehē ko e koto vetea, pea ko homou ngaahi foha, ‘a ia ‘oku ‘ikai te nau ‘ilo he ‘aho ni ‘a e lelei mo e kovi, ko kinautolu te nau hū ki ai, pea ko kinautolu te u ‘atu ia ki ai, pea ko kinautolu te nau ma‘u ia. (45) Pea na‘a mou liliu, ‘o mou tangi ‘i he ‘ao ‘o Sihova; ka na‘e ‘ikai tokanga ‘a Sihova ki ho‘omou lea; pea na‘e ‘ikai te ne ongo‘i kimoutolu. Ko e Nofo Laui Ta‘u ‘a e Kakai ‘Isilelí he Toafá.
Nehemaia 9:17
"(17) pea na‘e ‘ikai te nau loto ke talangofua, pea na‘e ‘ikai te nau manatu ho‘o ngaahi me‘a fakaofo, ‘a ia kuo ke feia ‘i ho‘o feangai mo kinautolu; ka nau fakakekeva honau kia, pea ‘i he‘enau angatu‘u na‘a nau fokotu‘u ha kapiteni ke nau foki ki he‘enau nofo pōpula. Ka ko e ‘Otua mohu fakamolemole ‘a e ‘Afiona, ko e Angalelei mo ‘Alo‘ofa, Tuai-ki-he-houhau, pea Fonu-‘i-he-kelesi, pea na‘e ‘ikai te ke li‘aki kinautolu."
Ngaue 7:13
"(13) Pea ‘i hono tu‘o ua na‘e ‘ilo ‘a Siosifa ‘e hono ngaahi tokoua; pea e‘a kia Felo ‘a e tupu‘anga ‘o Siosifa."
Fākafoa ‘a e fakataha ‘o ‘Isileliˊ mo e angatu’u, ‘o nau tokanga kinautolu ki he lipooti ‘a e kau asiasiˊ ‘i ha’anau tokanga ki he folofola ‘a e ‘Otua´. Na’e mei fe’unga ange ‘enau tangiˊ kapau kuo nau sio ki he ngaahi kakai ‘o ‘Anakiˊ ‘i he matapä honau ‘apitanga´. ‘Oku nau tangi, ta’e ‘i ai ha me’a, te ne fakamamahi’i kinautolu. Pea nofo hifo ki lalo, ‘o tangi ‘i he pö ko iaˊ. Ko e ta’etuiˊ ki he ‘Otuaˊ, ko e angahala, pea ko ho’onautolu pë tautea, pea ko kinautolu ‘oku ‘ikai ke nau falala ki he ‘Otuaˊ, te nau hokohoko atu, ‘enau ‘ite’ita ‘anautolu. Ko e mamahi ‘o mämaniˊ ‘oku ngäue ia ki he mate´.
Na’e läunga ‘a e kakai,ˊ kia Mosese mo ‘Elone, pea ‘iate kinaua ko ‘enau fai pë ki he ‘Otuaˊ. Na’a nau sio kimui, ki he ta’efiemälie na’e hoko, ta’e ‘i ai hano tupu’anga´. Na’a nau faka’amua, ke nau mate mai pë ‘i ‘Isipite, mo e ngaahi ‘uluaki foha,ˊ na’e tamate’i ai´, pë ‘i he toafa´ mo kinautolu, na’e tautea’i ‘i ai ‘i he’enau holiˊ. Na’a nau faka’amu, ki he mate´, ‘a e faihia´, ‘i he fakamaau ‘a e ‘Otuaˊ ‘i he mo’ui ko e kau ikuna, ‘i He’ene hoifua mai´.
Ko e ta’e’uhinga lahitaha´, ke fai ha talanoa, ki he foki ‘o fou atu ‘i he toafaˊ. Na’e mei lava pë, ke nau ‘amanaki ki he pou ‘ao, ‘a e ‘Otuaˊ ke tataki kinautolu, pë ko e MANA, ‘oku ‘iate kinautolu ma’u pë. Ka na’e ‘ikai, pea ko e lauiafe ‘o ‘Isileli, na’a nau ‘auha ‘i he toafa. ‘Oku ngalingali, ko e ngaahi faingata’a, ke ikuna’i ‘a Kenani. Kuo nau fakakaukau ai, ke nau foki ki ‘Isipite, ‘oku lahi ange. ‘Oku tau sio heni, ki he fakavalevale, ‘a e hë mei he ‘Otuaˊ, mo ‘Ene ngaahi founga´. Ko Kenaniˊ ‘oku ‘i mu’a ‘iate kitautolu, ko e fonua ‘oku mahu tafea, ‘i he hu’akau, mo e honi melie´. Käinga, ‘oku hë mama’o ‘a e tokolahi, ko e ta’e ‘i ai ha taha, te ne ‘omi ‘a e mo’oni ‘o e mo’ui´, ke fou ai ‘a e kakaiˊ ki he Kenani ‘o e Tala’ofa´, he ko Sīsū Kalaisi, ko Ia pē ‘ae Hala´, Mo’oni´, pea mo e Mo’ui´ (Sione 14:6). Pea ‘oku talamai ‘e he ni’ihi, ko e Hala ko Ia´, ‘oku fu’u fāsi’i, ka ko hono mo’oniˊ, ‘oku fālahi fe’unga ma’a māmani kātoa, ‘o kapau ‘e fili ‘a māmani, ke nau tali Ia. Ko Sīsū, ‘a e Hala ki he Tamai´, ko e Mo’ui´, ko Ia ‘a e Mo’oni´ ‘o e me’a kotoa.
No comments:
Post a Comment