Tusite 5 Sepitema, 2017

Siosi 3:9-13; 4:2,4; Sen 5:26; 7:1; Saka 6:5; 1 Tes 1:9

Siosiua 3:9-13

"9Pea lea ‘a Siosiua ki ha‘a ‘Isileli, ‘Unu‘unu mai ki heni ke fanongo ki he ngaahi folofola ‘a Sihova ko homou ‘Otua. 10Pea pehē ‘e Siosiua, Ko e me‘a ko ia te mou ‘ilo ai ‘oku ‘i homou lotolotonga ‘a e ‘Otua Mo‘ui, pea te ne mātu‘aki kapusi mei homou ‘ao ‘a ha‘a Kēnani, mo ha‘a Heti, mo ha‘a Hevi, mo ha‘a Pēlisi, mo ha‘a Keakesa, mo ha‘a ‘Āmoli, mo ha‘a Siepusi. 11Vakai, ko e ‘A‘ake ‘o e Kovinānite ‘o e ‘Eiki ‘o māmani kātoa ‘oku ‘alu mu‘omu‘a ‘iate kimoutolu ki loto Soatani. 12Pea ko eni, mou vahe mai ha toko hongofulu mā ua mei he ngaahi matakali ‘o ‘Isileli, ‘o takitaha ‘a e matakali ha tangata ‘e toko taha. 13Pea ka faifai pea ma‘u ‘enau tu‘u ‘i he vai ‘o Soatani, ‘a e ‘aofiva‘e ‘o e kau taula‘eiki ‘oku kauala ‘a e ‘A‘ake ‘o Sihova ko e ‘Eiki ‘o māmani kātoa, pea ‘e toki motuhi ‘a e vai ‘o Soatani, ‘a ia ‘oku tafe hifo mei he matavai, pea ‘e tu‘u hangē ha fu‘u ‘esi."

Siosiua 4:2,4

" 2Vahe mai mei he kakai ha tu‘unga me‘a ‘e hongofulu mā ua, ko e toko taha mei he matakali takitaha. 4Pea ui ange ‘e Siosiua ‘a e kau tangata ‘e hongofulu mā ua ‘a ia kuo ne teuteu ki ai mei ha‘a ‘Isileli, ko e toko taha mei he matakali takitaha"

Senesi 5:26

"26pea mo‘ui atu ‘a Mētuisela hili ‘ene ma‘u ‘a Lēmeki ko e ta‘u ‘e fitungeau mo e ta‘u ‘e valungofulu mā ua, pea ne ma‘u mo ha ngaahi foha mo ha ngaahi ‘ōfefine"

Senesi 7:1

"1PEA folofola ‘a Sihova kia Noa, Hū koe mo ho fāmili kotoa ki he ‘a‘ake; he ko koe kuo u mamata ki ai ‘i he to‘utangata ni ‘oku tonu ho‘o fakafeangai kiate au."

Sakalaia 6:5

"5Pea tali ‘a e ‘āngelo, ‘o ne folofola mai, Ko e faa‘i matangi6.5 pe faa‘i laumālie. eni ‘o e langi, ‘oku ‘alu atu mei he‘enau fakafe‘ao ki he ‘Eiki ‘o māmani kātoa."

1 Tesalonaika 1:9

" 9he ‘oku fai ‘e he kakai homau ongoongoa–‘a e anga ‘o ‘emau hoko atu kiate kimoutolu; mo ho‘omou tafoki ki he ‘Otua; ‘o fulitu‘a ki he ngaahi tamapua, ke hoko ko e kau tamaio‘eiki ‘a e ‘Otua ‘oku mo‘ui mo mo‘oni"

KO ʻENAU TEUTEU KOLOSI ENI ʻI HE VAITAFE SOATANÍ. Naʻe lea ʻa Siosiua ki he kakai ʻa e fuʻu fiemaʻu ʻaupito ʻenau tokangá pea ke nau fanongo ki he folofola ʻa e ʻOtuá. He ko ʻenau fiefiá naʻe fuʻu maʻolunga. Pea ʻoku ʻikai fai ha talaʻa naʻa nau fiemaʻu ke nau ʻeke leva ke fai ʻa e meʻa ʻoku hokó ka ko hotau natula tangata ia. Ka naʻe taʻofi kinautolu ʻe Siosiua pea ke nau fanongo ki he ʻOtuá. ʻOku tau moʻui ʻi ha kuonga ʻoku fakavavevave ʻa e taha kotoa ke tauhi ki muʻa. ʻOku faingofua ʻa e fai peheé ʻi heʻetau kaveinga pe ʻa kitautolu, ka ko e fiemaʻu kitautolu ke tau hoko ʻo femoʻuekina he fakaongo ki he meʻa ʻoku folofola ki ai ʻa e ʻOtuá, he ko e mahuʻinga taha ia, fanongo ki heʻene ngaahi folofola. Kimuʻa ʻi hoʻo fai hoʻo fokotuʻutuʻu, ʻai haʻo taimi ke ke fakamamaʻu pe, ko e hā ʻa e meʻa ʻoku fiemaʻu ʻe he ʻOtuá mei he kotoa hoʻo potoʻi faifatongiá, ko hoʻo ʻiloʻi ʻa e meʻa kuo folofola ʻa e ʻOtuá kiate koe, he ne fakahaofi ko e mei he ngaahi fehalaaki ngalivalé, mo fakatupu houhaú.

Ko e hā ʻa e ʻuhinga naʻe tokoniʻi ai ʻe he ʻOtua ʻo ʻIsilelí ke nau kapusi ʻa e kau Kenaní mei honau fonua. Naʻe ʻuluaki tautea ʻe he ʻOtuá ʻa ʻIsileli ʻi heʻenau talangataʻa. Pea ko eni kuo tafoki hake ʻa e ʻOtuá ki he toenga ʻo e kakaí. Ko e kau Kenaní ʻoku nau fa angahala pea ʻoku tuha kinautolu ia mo e tautea koeʻuhí ko ʻenau ngaahi angahala fakalilifú. Pea ko ʻIsilelí ko e meʻa ngāue ia ki he tautea ko ení. Pea ko hono moʻoní mo mahuʻinga ko ʻIsileli naʻe hangē ha kakai maʻoniʻoni pea heʻikai ke nau lava ʻo nofo ʻi he lotolotonga ʻo e kakai kovi mo lotu ʻaitoli. He te nau fai ʻenau toʻonga moʻui ko iá ʻo nau fakaafea ai ʻa e angahala ki heʻenau moʻuí. Ko e founga pe ʻe taha ke maluʻi ai ʻa ʻIsileli mei hono uesia ʻe he ngaahi lotu kovi ko ení, ke kapusi kituʻa ʻakinautolu ʻoku fai peheé. Neongo naʻe tonounou pe ʻe ʻIsileli ke kapusi kotoa kituʻa ʻa e kau Kenaní ʻo hangē ko ia naʻe folofola ki ai ʻa e ʻOtuá kia kinautolu. Ko ʻIsileli naʻe fili ʻe he ʻOtuá ko ʻene kakai toputapu. Naʻe ʻikai ke fuoloa kuo muimui kinautolu ia ki he fai meʻa kovi, ʻa e kau Kenaní. Ko etau ʻia Kalaisi ke tau maʻoniʻoni.