Monite 4 Sepitema, 2017

Siosi 3:7, 8; 1:5; 4:14; 1 Kalo 29:25; 2 Kalo 1:1

Siosiua 3:7,8

"7Pea folofola ‘a Sihova kia Siosiua, Ko e ‘aho ni te u kamata ke hākeaki‘i koe ‘i he ‘ao ‘o ‘Isileli kātoa, koe‘uhi ke nau ‘ilo, hangē na‘a ku ‘ia Mōsese, ‘e pehē ‘eku ‘iate koe. 8Pea te ke tu‘utu‘uni ki he kau taula‘eiki ‘oku ha‘amo ‘a e ‘A‘ake ‘o e Kovinānite, ‘o pehē, Ka mou ka a‘u ki he ngutuvai ‘o Soatani, te mou tu‘u ma‘u pē ‘i Soatani."

Siosiua 1:5

" 5‘E ‘ikai lava ‘e ha taha ke tu‘u kiate koe lolotonga ho‘o mo‘ui: hangē ko ‘eku ‘ia Mōsese, ‘e pehē ‘eku ‘iate koe: ‘e ‘ikai te u fakatukuhāusia‘i koe, ‘uma‘ā ha‘aku li‘aki."

Siosiua 4:14

"14‘I he ‘aho ko ia na‘e hākeaki‘i ‘a Siosiua ‘e Sihova ‘i he ‘ao ‘o ‘Isileli kātoa, pea na‘a nau ‘apasia kiate ia, ‘o hangē ko ‘enau ‘apasia kia Mōsese ‘i he ‘aho kotoa ‘o ‘ene mo‘ui."

1 Kalonikali 29:25

"25Pea na‘e tuku ‘e Sihova ke fu‘u e‘a ‘a Solomone ki ‘Isileli kātoa, pea ne ‘ange kiate ia ha fotu fakatu‘i, ‘a ia kuo te‘eki ke ma‘u ‘e ha Tu‘i ‘Isileli mu‘a."

2 Kalonikali 1:1

"1PEA na‘e tu‘u kaukaua ‘a e hau ‘o Solomone ‘alo ‘o Tēvita, pea na‘e kau mo ia ‘a hono ‘Otua ko Sihova, ‘o ne fakatau‘olunga ia."

KO HONO FAKALOTOLAHIʻI ʻE SIHOVA ʻA SIOSIUA. Pea fakalotolahiʻi ʻe Siosiua ʻa e kakaí. Ko hono fakalangilangi ʻe he ʻOtuá ʻa Siosiuá ʻaki ʻa e ngāue mate na‟a ne hanga ʻo fakaholo ʻo fakataumuʻa ia. Ke ngaohi ʻa ʻIsileli ke nau ʻiloʻi ko siosiua honau takí. Pea ko Siosiua naʻá ne fakalangilangiʻi ʻe ia ʻa e ʻOtuá ʻaki ʻene fai tukuingata ʻi hono ngaohi ʻo ʻIsilelí ke nau ʻilo „ia, ka ko honau ʻOtuá. Pea ko kinautolu ʻoku nau fakalangiangiʻi ʻa e ʻOtiuá, te ne langilangiʻia, pea ko ia ʻokú ne laka fakautuutu ki muʻa ʻo ʻene moʻuí, ʻoku totonu ke hā mai ʻokú ne lava ʻo fakahikihikiʻi ʻa e ʻOtuá ʻi he feituʻu ʻokú ne ʻi aí. He ko Siosiua eni. Ko Kalaisi Sīsū ia, ʻo hangē ko e fakamatala ʻa e ʻapositoló ʻi heʻene fakamoʻoni sio mata ʻia Kalaisí. “ʻIo, ko e ngaahi meʻa kuo mau mamata mo fanongo ki ai, ʻoku mau fakahā kiate kimoutolu foki, koeʻuhi ke mou maʻu ʻe kimoutolu foki ʻa e feohi mo kimoutolu pea ko e feohi foki ʻamautolu ko e feohi mo e Tamaí, pea ko e feohi mo hono ʻAlo ko Sīsū Kalaisí. Pea ʻoku maʻu tohi ʻa e ngaahi meʻa ko iá koeʻuhi ke kakato ʻetau fiefiá (1 Sn 1:3,4). Ko e tohi ko eni ʻa Sioné ʻo fekauʻaki mo e feohi mo e kau tui kehe. ʻOku ʻi ai ʻa e moʻoni ʻe tolu ʻoku ʻi he feohi ʻa e kau kalisitiane moʻoní. ʻUluaki, ko ʻetau feohi ʻoku faliki ʻa e fakamoʻoni ʻa e folofola ʻa e ʻOtuá ʻo ʻoua ʻe fakamalumalu malohi, mo fakataha, ʻoku taʻemalava. Ua. Pea ke fakamakatuʻunga ia ʻi he taha ʻo e kau tui. Tolu. Pea ke fai ʻa e fakafoʻou fakaʻafio ʻo fou ʻi he Laumalie Maʻoniʻoni. Ko e feohi moʻoní ʻoku fakataha fakasosiale mo fekauʻaki fakalaumalie, pea ʻoku toki malava pe ia ʻo fakafou ʻi ha fetuʻutaki moʻui mo Sīsū Kalaisi. He ko e meʻa tatau naʻe fai ʻe he ʻOtuá kia Mosese, pea pehē kia Siosiua. Ko e meʻa tatau kuo fai ʻe he ʻOtuá maʻa kitautolu kuo tau ʻia Kalaisi, ke tau feohi pea mo e ʻOtuá, pea pehē ki he kau tui falala moʻoni kotoa pe, ke kakato ai ʻetau fiefia ʻi he ʻEikí.