Nomipa 16:4-11
"(4) Pea ‘i he fanongo ki ai ‘e Mōsese na‘a ne tō fo‘ohifo: (5) pea ne lea kia Kola mo ‘ene kau kātoa, ‘o pehē, ‘E fakae‘a ‘e Sihova ‘apongipongi pe ko hai ‘oku ‘o‘ona, mo ia ‘oku tāpuhā pea ngofua ke ofi kiate ia: pea ko ia ‘oku ne fili ki ai ‘e ngofua ke ofi kiate ia. (6) Mou fai eni; to‘o ha‘amou ‘ainga malala, ‘a Kola mo ‘ene kau kotoa; (7) pea mou ‘ai ki ai ha afi ‘apongipongi, ‘o hili ha ‘inisēnisi ki ai ‘i he ‘ao ‘o Sihova: pea ‘ilonga ha tangata ‘e fili ‘e Sihova ko e tāpuhā ia: ko kimoutolu ‘oku ‘afungi fau, hako‘i Līvai. (8) Pea lea ‘a Mōsese kia Kola, Fanongo mai, hako‘i Līvai: (9) ‘oku mou pehē koā ko e me‘a si‘i ‘a e vahe‘i kimoutolu ‘e he ‘Otua ‘o ‘Isileli mei he fakataha ‘o ‘Isileli, ke fakaofiofi ki he‘ene ‘Afio ke fai ‘a e ngāue ‘o e Tāpanekale ‘o Sihova, pea ke tu‘u ‘i he ‘ao ‘o e fakataha ‘o fekau? (10) ‘Io, kuo ne fakaofiofi koe mo ho kāinga kotoa ko ha‘a Līvai: pea ‘oku mou kakapa, ke taula‘eiki foki? (11) Ko ia, ko ho‘omou fakatefua mai, ‘a koe mo ho‘o fu‘u kau na, ko e fai kia Sihova; he ko ‘Ēlone, ko e hā ia ke mou lāunga kiate ia?"
Nomipa 14:5
"(5) pea tō fo‘ohifo ‘a Mōsese mo ‘Ēlone ‘i he ‘ao ‘o e fu‘u fakataha ‘o ha‘a ‘Isileli kuo kātoa mai."
Nomipa 17:5
"(5) Pea ko eni ‘a e me‘a ‘e hoko, ko e tangata ‘oku ou fili ki ai ‘e muka hono tokotoko: ka u fakangata meiate au ‘a e lāunga ‘a ha‘a ‘Isileli, ‘enau lāunga kiate kimoua"
Teutalonome 10:8
"(8) ‘I he taimi ko ia na‘e vahe‘i ‘e Sihova ‘a e matakali ‘o Līvai ke fua ‘a e ‘a‘ake ‘o e kovinānite ‘o Sihova, ke fakafe‘ao kia Sihova, ke tauhi ia, pea ke fai tāpuaki ‘i hono huafa, pea talu ai pē."
1 Kolinito 10:10
"(10) Pea ‘oua te mou lāunga ‘o hangē ā ko e lāunga ‘a e ni‘ihi ‘o e kakai na, ‘o nau mole ‘i he ngāue ‘a Faka‘auha."
ʻI he fanongo ʻa Mosese ki heʻenau tukuaki ʻoku faí, naʻá ne tō foʻohifo ki he kelekelé ʻo ʻikai te ne lea kiate kinautolu, he naʻe loto maʻulalo mo e laumalie lotomaʻu, ʻo ne tatali pe ke ne maʻu ha faleʻi mei he ʻOtuá. Ko e loto fakapotopotó ka hoko ha meʻa ʻokú ne ako ai. Ko e tali, moe faleʻi, ʻo e meʻ a ʻoku hoko maʻu pe mei he ʻOtuá. Pea naʻe loto pe ʻa Mosese, ke tuku ʻa e meʻa kotoa ki he ʻOtuá, ke ʻaʻana hono fakapapauʻi hono leleí, pea Maʻana pē. Naʻe tuku kia Kola mo hono kau muimuí ke nau ʻomi ʻa e ʻainga malala, mo e ʻinisenisi kuo hili ki ai ʻi he ʻao ʻo Sihová, pea ka fakamoʻoni kuo ne tali kinautolu pea ʻoku lelei. He naʻe loto pe ʻa Mosese ia, koe kotoa ʻo e kakai ʻa Sihová, ʻoku totonu ke nau taulaʻeiki, ʻo kapau ʻe hoifua ki ai ʻa e ʻOtuá. Ka e kimuʻa angé naʻe totonu ke nau palōfita kotoa (11:29). Fakatokangaʻi ʻa e faʻahinga moʻui naʻe ʻia Mosesé.
Naʻe ui ʻa e kau angatuʻú ʻe Mosese, ko e ngaahi foha ʻo Livai, ʻoku nau ʻi hono matakali, pea ʻoku nau ʻi he matakali ʻo e ʻOtuá, pea ko hono kovi angé, ko e kau angatuʻú, ʻo fakafepaki ki he ʻOtuá, pea nau fakafepaki kia Mosese. Naʻe ʻikai ke fuoloa koe ngaahi foha ʻo Livaí naʻa nau ʻasi ʻi he tafaʻaki ʻo e kafi-koulá. Naʻe tokangaʻi ʻe Mosese ia ko e uho ʻo e angatuʻu ia ko ʻení, ko e niʻihi ia ʻo e kau Livai, naʻa nau fiemaʻu ʻe kinautolu ia, ʻa e mafai fakataulaʻeiki, ʻo hange ko Kolá. ʻOku tau toutou holi ke maʻu ʻa e ngaahi koloa makehe fakakoloaʻaki ʻe he ʻOtuá ʻa e kakai kehe. Ko Kola naʻá ne maʻu pe ʻa e mahino mo e ngaahi potoʻi ngāue, ʻi hono ngaahi fatongia kehekehe maʻana pe. ʻI he ngataʻanga ʻi hono loto feinga ke maʻu lahí, na ʻá ne fakatupunga ai, ke mole ʻa e meʻa kotoa. Pea koe loto ʻo e tangatá ʻoku senitā ai ʻa e moʻui fakaetangatá. Pea talamai ʻe he ʻapositoló, “Ka koe ngaahi meʻa ʻoku hū mei he ngutú, ʻoku mei he lotó pea ko ʻena pe meʻa ʻoku ʻuli ai ʻa e tangatá” ( Mt15:18). ʻOku fiemaʻu ke maʻa ʻa e lotó, ʻi heʻetau tui kia Kalaisí, he ka ʻikai ʻa Kalaisi, ko e lotú ʻe hange pe ko Kolá
Fakafetai ki he Eiki tau ausia mai ae uluaki aho oe hongofului mahina oe tau fakkoloa koeni, ofa atu ki he kaunga Moui Foou kotoa pe tau laukonga hotau api ni. Fakaloloma pe oe talanoa oe aho ni koe toe tuu ae hako oe Livai ke ekei ae lakanga taulaeiki lahi. Ongoi taeapasia ka koe atunga ia e hu ae tevolo sio lakanga, sio koloa, sio mafai, sio langilangi he ai e e moui... Koe ikuanga pe koe tuu he ao o Sihova ke sivii ai ae moui....!!
ReplyDelete