Falaite 8 Sepitema, 2017

Sios 4:4-8 ; ‘Eki 12:14,26 ; 13:14 ; Nom 16:40 ; Teut 6:20 ; Saame 41:1

Siosiua 4:4-8

"4Pea ui ange ‘e Siosiua ‘a e kau tangata ‘e hongofulu mā ua ‘a ia kuo ne teuteu ki ai mei ha‘a ‘Isileli, ko e toko taha mei he matakali takitaha: 5pea lea ‘a Siosiua kiate kinautolu, Mou laka atu ‘i he ‘ao ‘o e ‘A‘ake ‘o Sihova ko homou ‘Otua ki loto Soatani, pea to‘o hake takitaha ha maka, ‘o hilifaki ki hono uma, ‘o fakatatau ki he lau ‘o e ngaahi matakali ‘o ha‘a ‘Isileli, 6koe‘uhi ke hoko ia ko e faka‘ilonga ‘i homou lotolotonga, ‘oka faifai pea ‘eke ‘e ho‘omou fānau ‘amui, ‘o pehē, Ko e hā ‘a e ‘uhinga ‘o e ngaahi maka ni? 7Pea te mou toki tali kiate kinautolu, Ko hono ‘uhinga na‘e motuhi ‘a e vai ‘o Soatani ‘i he ‘ao ‘o e ‘A‘ake ‘o e Kovinānite ‘o Sihova: ‘i he‘ene a‘a atu ‘i Soatani na‘e motuhi ‘a e ngaahi vai ‘o Soatani: ko ia ‘e hoko ‘a e ngaahi maka ni ko e me‘a fakamanatu ki ha‘a ‘Isileli ‘o lauikuonga. 8Pea fai ‘e ha‘a ‘Isileli ‘o hangē ko e tu‘utu‘uni ‘a Siosiua, ‘o nau ‘ohake ha maka ‘e hongofulu mā ua mei loto Soatani, ‘o hangē ko e folofola ‘a Sihova na‘e fai kia Siosiua, ke fe‘unga mo e lau ‘o e ngaahi matakali ‘o ha‘a ‘Isileli; ‘o nau ō atu mo kinautolu ki honau ‘apitanga, ‘o tuku hifo ai."

‘Ekisoto 12:14,26

"14Pea ko e ‘aho ko ia ‘e hoko kiate kimoutolu ko e ‘aho ke manatua; pea te mou tauhi ia ko e kātoanga kia Sihova ‘i homou ngaahi to‘utangata; ko e tu‘utu‘uni ta‘engata, te mou tauhi ia ko e kātoanga. 26Pea ka faifai pea lea kiate kimoutolu ‘e ho‘omou fānau, ‘o pehē, Ko e hā ‘a e feinga ngāue ni kiate kimautolu?"

'Ekisoto 13:14

"14Pea ka faifai pea fehu‘i kiate koe ‘e ho foha ‘amui, ‘o pehē, Ko e hā ē? Pea te ke tali ki ai, Ko e nima mālohi na‘e ‘omi ai kimautolu ‘e Sihova mei ‘Isipite, mei he fale hopoate"

Nomipa 16:40

"40ko e me‘a fakamanatu ki ha‘a ‘Isileli, koe‘uhi ke ‘oua na‘a ofi mai ha kehe, ha taha ‘oku ‘ikai ‘i he hako ‘o ‘Ēlone, ke tutu ‘inisēnisi ‘i he ‘ao ‘o Sihova; na‘a ne hangē ko Kola mo ‘ene kau: ‘o tatau mo e folofola ‘a Sihova kiate ia na‘e fakafai ‘ia Mōsese."

Teutalonome 6:20 

"20Ka ‘eke kiate koe ‘e ho foha ‘amui, ‘o pehē, Ko e hā ‘a e ngaahi fakamo‘oni, mo e ngaahi fekau mo konisitūtone, ‘a ia kuo tu‘utu‘uni atu ‘e Sihova ko hotau ‘Otua? "

Saame 41:1

"1MONŪ‘IA Ā ka ko ia ‘oku ne toka‘i ‘a e tu‘utāmaki:

Ka hoko ‘a e ‘aho kovi ‘e fakahaofi ia ‘e he ‘Eiki."

NAʻE ʻOANGE ʻE HE ʻOTUÁ ʻA E NGAAHI FEKAU KI HE TEUTEU ʻO E FAKAMANATU KO ENÍ. Pea telia naʻa fai ʻe Siosiua ia ʻo taʻekau ai ʻa e tataki ʻa e ʻOtuá, ʻo ne fai ʻe ia ha palani ke fakatolonga ai hoʻona hingoa, mo hono langilangi pea ʻikai ko ia pe, ka ko e fekau toputapu ia ʻe ʻaonga ki he kakai ʻo e kahaʻú, ʻi he taimi ʻe fakanofo ai kinautolu ʻe he ʻOtuá ki heʻene ngāué. Ko e ngaahi ngāue fakaofo ʻa e ʻOtuá ʻoku totonu ke tauhi taʻengata ʻa e manatu ki aí mo fakapotopoto ʻa hono fakatolonga ʻenau fakamanatú. Ko e maka fakamanatú naʻe fili mai ia hili ʻa e fakalaka kotoa mai ʻa ʻIsileli ʻi he vaitafe Soataní naʻe ʻikai ko e vaivai ʻi heʻenau muimui atu ʻiate kinautolu ko ʻenau muimui atu ʻa e maka fakamanatu koeʻuhí ʻi he taimi ʻe fakakakato ai e he ʻOtuá ʻa ʻene ngoué, pea ke mahino leva ko e ʻIsileli kotoa pe kuo aʻu hao ki Kenani, ko ia ai naʻe folofola ʻa e ʻOtuá kia Siosiua, ke tokonaki ʻa e ngaahi meʻa ki he maka fakamanatú.

Ko e ngaahi maka ki he fakamanatú naʻe fokotuʻu ia ʻi Kenani ka naʻe ʻomai ia mei he feituʻu totonu ko ē naʻe tuʻumaʻu ai ʻa e vaʻe ʻo e kau taulaʻeiki mo e ʻaʻake ʻo e kovinanité ʻi he loto vaitafe Soataní. Ko ʻetau toe tanaki ʻa e totongi mamafataha ʻo e fakamoʻuí ʻi he moʻoni ʻo e kelesi ʻi laló ni pe, he naʻe keina ia ʻe he kololiá ʻi he malōlōʻanga fakaʻosi ʻi Kalevalí pea ʻoku totonu ke moʻui ia, ʻokapau te nau aʻu ki he malōlōʻanga he te nau maʻu ia mei he tuʻunga fakataulaʻeiki ʻo Sīsū Kalaisi, pea mei he ʻaʻake ʻo ʻene huhuʻi naʻá ne fai maʻa kitautolu. Ko ʻenau hū eni ki he Kenani ʻi laló ni, ka ko e Kenani fakalangí kuo ʻosi kakato ʻa e meʻa kotoa maʻ akinautolu pe ʻoku tui mo falala kakato kia Kalaisi, ʻo taʻe ʻi ai ha talaʻa, ka ko e fiefia moʻoni pe ʻe hoko maí ʻo palotoloto ʻi he kau tui falala kia Kalaisí mo ʻene tokonaki maʻa māmani katoa pe kuo tau ʻinasi ai ʻi heʻene kelesi laku tavale maʻae kakai kotoa pē. Kau ki ai leva, ʻoua ʻe toe toloi naʻa ko ho faingamalie fakaʻosi pe eni.